مسكينة البنت والله حرااااااااااااااااااااااااااااااااااااااااااام

[لعيون الاس]

شباب موضوعي لليوم عبارة عن حسرة بقلبي فارجوالتفاعل والردود واعطاء الراي لاني اتوقع انه مهم جدا
تعلمون يااحبتي انه مجتمعنا محافظ ولله الحمد
بس هناك شي يقهر صراحه ليش الولد تنمحي كل اغلاطه والبنت لو غلطت مرة تصير علوش بحلوج الناس ولا حد ينسى الغلط ولو كان بظروف قاهرة
الحين هالانسان اللي مايرحم ولا يعفو مايدري ان الله هو التواب الرحيم فمن يكون رب العالمين يغفر الذنوب العظام عند التوبه النصوحه
يعني للاسف الحين ممكن نشوف رجل بمجتمعنا يسوي البلاوي ومايخلي جريمه ولما يتقدم للزواج وش يقولون بيتزوج وبيعقل ويزوجونه بنت من اشرف البنات ولا حتى يستاهل ظفرها لا والقهر يمكن يعايرها وينسى حالة في اتفه الامور
والبنت لو بس كمثال كلمة شاب ولا شافته ولا شافها قالوا هالبنت مو زينه وينشرون السالفه والولد يغطون عليه
الصراحه مو ظلم
الحين اسالكم يارجال وجاوبني هل تقبل تتزوج بنت غلطت وتابت وهل بتنسى غلطها والا بتحوم بقلبك طول العمر
ارجوك جاوبني بضمير
المشكلة انه البنات ناقصات عقل ويامنون والرجال عندهم مليون طريقة خبيثه للاطاحه بهالبنت الملاك واذا طاح الفاس بالراس قال اصلا البنت مو زينه
والله عيب وحرااااااااااام
سامحوني على الاطالة بس من قهري وحرة قلبي على بناتنا المساكين

[الطليان]

السلام عليكم ورحمة الله وبركاته

ابعد عن الشر وغنيلوا

منتدى تاروت الثقافي
بستان الفكر والمعرفة

[العروسة]

نفس الكلام اقوله

[وجه البـــــدر]

[frame="6 80"]

اشكرك اخي الفاظل على هذه المشاركه الرائعه وهذه حقيقه

كثيرا ماتظهر في مجتمعنا الذي بات يسود بالمشكلات التي لاتنتهي

والتي كثيرا ماتحدث من قلة التفكير وقلة المسؤليه

فاين دور الاهل في ذالك ؟؟

احترامي

اختك: وجه البــــدر
منتدى تاروت الثقافي
بستان الفكر والمعرفه[/frame]

[الإمبراطور سنبس]

الناس " ....... "

[علي إبراهيم]

السلام عليكم ورحمة الله وبركاته
اولا: شكرا جزيلا على طرح مثل هده المواضيع الهامة والحساسة والشائعة في مجتمعنا ..
انا من وجهة نظري الشخصية اقبل بالزوج من امرأة غلطت وتابت بس مو غلط يخدش العفة
لان هده البنت اساسا ضحية و ما غلطت الا انها مثلا تعرضت لظروف نفسية او ما شابه دلك.
واحنا مو معصومين عن الغلط والرجال لو يطالع نفسه اكيد غلط اكثر من البنت
وليش احنا نحكم على البنت الغلطانة بالاعدام او بنهاية حياتها ومستقبلها؟
ليش نكون احنا والدنيا عليها ؟
كفاية الي جاها والي شافته من هالحياة
ترى والله ان البنات مستضعفين و مغلوبين على امرهم و ضغوط الحياة والاغراءات و رفقاء السوء والانجراف تحت مسمى حب الفظول والاكتشاف والتجربة و الكبت الصارم وصعوبة المعيشة في المجتمع كلها عوامل مساعدة لانحراف فتياتنا المساكين اللدين لا يستطيعون التغلب والمقاومة على مثل هده الضغوط ....

ونتمنى من الاخوةالمسؤلين طرح مثل هده المواضيع على نطاق اوسع و تفهم الموضوع بعقلانية اكثر.....

تحياتي.......

[عطر الغرام]

الظروف تحكم احيانا ,,,

بس هالشي المفروض مايشدخ عفتها

حبي وانحبي اوكي

بس بطريقة عذرية وسرية

وليس قدام جميع الملا

بس والله محد يستاهل

البنت تقعد ببيتها افضل وتكمل دراستها وتنتظر نصيبها

احسن من الحب وخرابيطه

تحياتي

[شمس الأصيل]

السلام عليكم ورحمة الله وبركاته
النبت لازم تحافظ على نفسهامن كل شي يمسها ويمس شرفها
اما سالفة الحب اللي طالعه هاليومين سالفه ماصخه واجد الزواج قسمه ونصيب ومو لازم الوحده تحب ليها واحد وتتزوجه يامه سمعنا عن سوالف وحده حبت واحد وكل شئ وبعدين يتركها لانها على قوله اكيد زي ماكلمتني بتكلم غيري...والسالفه تطيح فوق راس البنت اللي ما احترمت كرامتها وكرامة اهلها ورخصت نفسها للي يسوى واللي مايسوى باسم الحب والخرابيط
وسلامتكم

[المتقدم]

السلام عليكم ورحمة الله وبركاته و بعد ..........

الكلام الذي قلتيه كله صحيح و لكن ...
أنا رجل و لن أقبل ببنت غلطت إذا كان هذا الغلط كبيراً أما إذا كان الغلط صغير أتوقع أني سأسامحها .

ما هو رأي البنت عندما تعلم أن الرجل غلط غلطاً كبيراً و لنفرض أن هذا الرجل تقدم لخطبتها و هي تعلم أن هذا الرجل أغلط غلطاً كبيراً أنا أتوقع أنها لن تسامحه و لن تقبل به مطلقاً .

و لو غلط الرجل هل تتوقعون أن الناس الذين حوله سينظرون إليه نظرة أحترام و لو ذهب ليخط هل سيوافق الأب أن يعطيه أبنته أكيد الجواب لالالالا و أتوقع أنه لن يدخله بيته أبداً

هنا الأمر نفسه الرفرق الوحيد أنه هو من سيذهب ليخطب و لن يقبل به و أن البنت لن تخطب .

بالتوفيق .....

[زهرة الحياة]

سلام للحلوين
اول شيء بغيت اشكرك على الموضوع الحلو لي كنت اتمنى من زمان اني اتناقش فيه
وحبيت اقول لكم رأئي اول شيء اني وحده مااحب التفرقه بين البنت والولد بالعكس اصلا لو ضغطنا على البنت هنا راح تبدأ المشاكل البنت راح تحس انها مظلومه يعني اعطيكم مثال لتوضيح لو طلبت البنت شيء وطلب الولد نفس الشيء راح يكون رد الوالدين الولد راح يلبون طلبه لكن البنت لا وإذا سألتهم ليش لا يقلون لك لأنها بنت ومايصلح ندلعها كثير وهذا الرد لي انا مااحبه تحسه عذر اقبح من ذنب يعني ياجماعة الخير اعطو بناتكم لي يبونه لكن بشرط تدرون شنو هذا الشرط الشرط هو المرراااااااااااااااااااقبه راقبوهم بين فتره وفتره وإذا حسيتوهم يتلاعبون عاقبوهم يعني هاذي اساس المشكله لو الوحد لقت لي تبيه مع مراقبه من اهلها ماراح تسوي اي شيء لكن عكس البنت لي مضغوطه ولا يعطونها اي شيء راح تحاول انها تتحرر لكن تدرون شلون راح تلجأ لطريق الخطأ لكثرة الضغوطات عليهاا والبنت المدلعه كثير ويعطونها لي تبيه وبدون مراقبه هاذي نفس الحاله بعد راح تهدم حياتها بيدها يعني ياجماعة الخيرررررررر لا لا لا لتفرقه بين البنت والولد وهاذي وجهة نضري


مع تحياتي وآسفه إذا طولت عليكم

[الفجرالبعيد]

كلامك أخي العزيز m00n مرفوض جملة وتفصيلا وام كلامك و تبريراتك فهي واهية جدا ومعنى كلامك بأن كل واحدة تمر بظروف يشفع له الشرع والعرف والمجتمع الوقوع في الغلط