سنينـ ..

[[ L7n aL9mt ]]

موجوع صرلي سنين وبقلبي لهيب
يمكن بصدري رماح أمـّا انياب ديب
لا مبصّر ولا فرمشاني ولا طبيب
كان يعرف علّة الأمر الغريب
ولمـّا أيادي الطبّ ماقدرت تصيب
صار الوجع يقوى على الجسم الرّطيب
كفرت بوجودي وصرت أتمنّى المغيب
عن أرض ما ألنا بسعادتها نصيب
وصدفة التقيت بمغربي .. شكله مريب
محنّك بيخلق من كريه المرّ طيب
وصرت أشكيله من الأمر العصيب
وأتوسّل وقلّو : أنا ياسيدي معذّب كئيب
احسبني أنا ظالم .. أنا مجرم رهيب
خنت النّبي ومسمرت عيسى عالصّليب
مش حقّ أحمل همّ هالكون الرّحيب
فرفك جبينو مغربي وفكرو النّجيب
وقلّي يا أبني سماع .. أمرك مش عجيب
مشان تشفى ومن عذاباتك تطيب
بدّك على شهرين تاخد هالدوا
ملعقة عالريق من ريق الحبيب

م
ن
ق
و
ل

إهـ إلى الذيب ـداء
من
[ L7n aL9mt ]