سينآبون آلجآلكسي

[الزهراء عشقي]

[ مقآدير عجينة السينابون ]
واحد ونصف كأس ماء
1 علبة زبادي
1 ملعقه كبيرة خميره فورية ( تذوّب في كأس الماء المذكور أعلاه ثم تصب على الخليط )
1 فنجان سكر
1 بيالة زيت
5 ملاعق كبيره حليب نيدو
3 كاسات ونصف طحين الكويت ..

[ مقادير الكاكاو للتغطيه ]
2 ملعقه كبيرة دارسين مطحون
1 ملعقه كبيرة كاكاو بودره ( كاكاو غامق مرّ )

[ مقادير التشريبه ]
2 علبة حليب نستلة مركز حجم صغير .. أو نصف علبة حجم كبير
4 حبات جبن كيري
1 ظرف دريم ويب

[ حشوة السينابون ]
جالكسي كلاسيك والعدد حسب الحاجه ( يرجع لكمية العجينه )

[ الطريقه ] :
1- تخلط مقادير العجينه ثم تخمّر حتى يتضاعف حجمها ..
2- تكوّر وتحشى بقطع من الجالكسي ثم تدحرج في مسحوق الكاكاو والدارسين
3- تصفّ الكرات في صينية الفرن ( تيفال ) بشكل متباعد وتترك لترتاح قليلا ( حوالي عشر دقائق إلى ربع ساعه )
4- توضع في الفرن ويفتح عليها النار من الأسفل فقط ..
5- بعد نضج الكرات يتم إخراجها وصفّها في صحن التقديم ..
6- نقوم بعمل التشريبه وخلط مقاديرها في الخلاط الكهربائي ..
إن كانت التشريبه جامده شوي .. نضيف شوية مويه يعني تقريبا فنجان مويه بالخلاط ..
7- تصب التشريبه على كرات السينابون مع التأكد أن كل كره أخذت نصيبها من الخلطه ..
8- يصب سائل هيرشيز فوق الكرات والتشريبه .. على شكل خطوط عشوائيه ..
بآلعآفيه عليكم

[نورت دنيانا]

اللهم صل على محمد وآل محمد

يمي يمي ...حراام جعت ...

تسلمي مشرفتنا على تجويعه ...

[الزهراء عشقي]

اللهم صلِ على محمد وآل محمد

تكرم عينك نسوي لك وحده مثلها
نورتِ يالغلا بجمال حضوركِ
رعاكِ ربي

[ام مريم]

تسلمين , يعطيكـ العافيه

[الزهراء عشقي]

سعيده بحضوركِ وتواجدكِ العبق
نورتِ غاليتي ~

[ذكرى العاشقين]

شكلها عذاااااب تحطيييم
يعطيك الف عافيه
على الطرح القيم
لاعدمنا جديدك

[تبكيك عيني ~]

مشكوووورة حبيبتي

تسلم الايادي

[ملك الغابه]

مشكوره اختي

الله الله

انا مجرب المكسرات

بس يبغا لينا نجرب هذي بعد وناسه


يعطيك العافيه

تسلمين