خيبت ظني

[نُوْنٌ]

أتِذكر دايم بـِ ضحكاتِك .. بـِ همساتِك
بـِ بِكلماتِك .. بـِ نظراتِك تجيني
و كل ما فيني يذوب
و الهوى بسمة على شفاة المشاعر
شاعر .. و تطرب لـِ مزحاتِك ، لـِ غمزاتِك عيون

كلمة بـِ شفاتِك تغني
تحضن إحساسي في جفونك
تحضنه و تقول :
أحبك مثل ظلك كم أحبك
يا جنون العشق أنا كلي جنون

أتِذكر إنك بي تهيم
و شلون أبنسى .. يا صباح الخير بـِ شفاتك لها شكلٍ و لون

و هذا إحساسي تبسم بعد ما كان مْحَزون
تكفى روح عن عيوني ، تكفى روح
أعلن إنك صرت خاسر لو تكونٍ ما تكون

ألمحك وسط النجوم
يا حلاتِك ... تكتب بِـ همي أغاني .. ؟!
مقهور و تتفنن عذابي
و أتِمادى في السؤال ..
أبا أسأل وش كثر حبي يكون .. ؟

و أرتجي منك الإجابة
تجاوبني و بضحكة معاها :
عشقت الدمع بـِ أحزانِك
عشقتك عند ضحكاتِك
عشقت أهلِك على شانِك
يا آسري آمر تمون

و أنفض أحزان الليالي
و أهمس بـِ اِسمك وَ أنادي
فداك اللي يبي قلبك
تصدق .. ، أخاف الناس و أوقاتي
خايفٍ قلبك يخون

و كانت الغيمة تعانق حلمنا
و القمر ضوه يجنن حولنا
نجلس بركنٍ بعيد
نحتمي .. و نتعانق
ساهِرة مِنا الجفون

حلمنا بـِ هالوقت يعدي .. و ما يمر
ينسى ياخذنا معاه
و الزمن مر و أخذنا و ..
اِفترقنا
و صرت أنا كلي أعاني ..
غدت بسماتي شجون

و إذا ودك تأكد شوف
بوسط الخافِق هموم
ما أدري أنت مثلي تعاني و .. مغبون .. ؟

و إلا قلبك حب ثاني
و صرت في ورطة و خايف
ناسي القلب الحنون .. ؟!

أرتجيـ ـ ــك ..
روح و اِنسى .. أرتجيـ ـ ــك
لك الله لا رحمت بـِ طعنتِك من تعذب
و اِكتفى منك طعون

الهوى مني يمل ..
و أرتجي شوقي يسافر
يآخذ أوجاعي و يرحل
و ينهي كل لحظة جنون ..

ما أبـ ـ ــك ، ما أبيـ ـ ــك ، ما أبيـ ـ ـك
و عسى الله لا يخليني أحن لـِ صوت نبراتِك
اللي ينسى نبض قربي ما أبيـ ـ ــه ..
اللي ينسى كل حبي ما أبيـ ـ ـه
و في أقل لحظة يتراجع
ترعبه كلمة تجيه
و الزمن يلعب عليه ..

كنت أظنك أقوى منه .. أقوى مني
و إنك تضحي لـ حبي ... بـِ كل شيء
بـ جوهر وَ قيمة
بـِ أي شيء .. يمون ولا يمون

و لِلأسف خيبت ظني
و بلا سبب صديت عني
و لِلأسف لـِ اليوم ... و لـِ بكرة . . . . أتِذكر
كل تفاصيل الحكاية
و اِحتبس نطقي و أنا أدعي عليك
من بداية كلمتِك .... كل ما فيني يذوب
بـِ ضحكِتك .. بـِ دمعتِك .. بـِ همستِك .. برقتِك
لـِ نهاية ما قسيت و رحت عني

و اللي قلته كله منك
حدني جرحي و أنا بسّي جروح
وش يظن بي الغلا ، خاطرك عندي يهون
لو تكونٍ ما تكون ..

وَ سَلِمَتْ عينٌ قَرأت لي فـ اِستمتعت وَ أُعجِبَت

[قلب من دانتيل]

[frame="7 80"][align=center]احترق قلبي ببعادك وانت ماهمك بعادي
ليش تتمادى في عنادك وانت في الدنيا مرادي
انت هاني في رقادك وانا ماجاني رقادي
آه من قسوة فؤادك آه من قول الاعادي
ببتعد وحقق مرادك واطلب من رب العبادي
يحفظك ويسعد فؤادك هذا بس والله مرادي

صدى العزيزة
طالما تركتِ الاثر المبهر في عينيْ عندما تقرآن كتاباتك الجميلة
كم أتوق لما تسطرينه دوما
لكِ أنت وحدكِ أبجدية من نوع خاص
تحلقين بنا وتبحرين في عالم ملئ بالسحر والجمال والرشاقة في التعبير عن مكنونات نفسك الطاهرة النقية
نبع من الشعور احسه عندما اقرأ كتاباتك
وانا مداومة على قراءة ماتجودين به انتِ وقريحتك الحالمة ,, فدمتِ لنا ياصدى سالمة ..

لك أنعم احساس ..
وارق تحية ..

اختك قلب من دانتيل ..[/align][/frame]

[نُوْنٌ]

[align=center]سَلاّمٌ عَلَيكُمْ ..

قلبٌ مِنْ دَانتيل ، موجةٌ قوية بددت التفكير ، أتت عَلَى غير اِستئِذان وَ باتت دونَ ميعاداُ يُذكر ،
قد يكون وجودي مُجحفاً و قد يترِك بصمة على ورقٍ مُمزق فـ معذِرةً عَلَى اِستِعجال محبرتي

قد أعودَ لاحِقاً لِمُجاراةِ محبرتِكِ ، لا تمتعِضي إنْ تأخرتُ قليلاً فـ المُخيلة تعجزُ تكوينَ حرف رُبما أصبتُ بـ الشللية ..[/align]

[فارس حزن]

اختي العزيزة صدى

تثبتين أنك متمكنة من كتابة النبطي الجميل
بوقع الكلم ترسمين عشقاً جميلاً تمزجين روحاً تبارح الحنين !

تحية ..
فارس حزن

[نُوْنٌ]

[align=center]سَلاّمٌ عَلَيكُمْ ..

الأخ الفاضِل فارِسَ حُزن ، يستهويني تواجُد أقلام تمتلُكها يديكُم الكريمتيّن
لِذا أتوقُ أحاسيس دافئِة خُطت بـِ محابِر هي لكُم ..

سيدي الفاضِل

عِندما تجتاحُني الرغبة في أنْ أكتُبْ .. !!

لا أعرف أينَ ألوذُّ بـِ هوسِ الكِتابة

وَ مَا بينَ صمتٍ وَ بوح

تشتعِل الحروف تحت اِشراقة المشاعِر وَ اِنصِهار الأحاسيس

رُبما من حقِ الكاتِب ، أن يُصادِر رنات القلب في حُضنِ الصمت المُعربِد بينَ الشفتين

وَ . . . .

أنا مِنْ حقي أن أنحي لـِ روعةِ حضوركَ وَ قِراءاتِ يديكَ الكريمتين ..

دُمتَ بـِ ودٍ سيدي [/align]