استبيان واسئلة لـ أدم و حواء لحياة زوجيه هانئة

[ابو نور]

الظاهر الجبن خلص عندكم
اقصد " ام الفوز "

"الله يرزقك ان شاء الله الزوجه الصالحه والذريه الصالحه"
ان شاءالله جميعا

"كل يوم نقرأها يالطيب"
الله يوفقكم ويثبتكم على ولاية اهل البيت

[ينبوع المعرفة]

السلام عليكم ورحمة الله وبركاته


اخوي ابو نور ...

اقتباس: ينبوع اسمع مني ناس واجد مثلك راسهم يابس وسو دراسات وبحوث وفي الاخير ياخذوا العكس او مو كل المواصفات

اخوي مو مسألة راسي يابس ... اول شي انا مشواري على الخطوبة يبغاله سنه على اقل تقدير .. كان فيه تفكير ان يكون هالصيف بس رأينا ان نكمل دراسه وابحاث حول الموضوع ... وعلى سالفة ياخذوا العكس .. مافييييييييييييييه امل .. اما سالفة مو كل المواصفات هذه متوقعه وبقوه بس عاد الله يعينا على رحلة تدريب النفس وتعويدها على القناعه << المشكلة بني ادم طماااع

اقتباس: احد اقربائي خطب بنت حسب "ما رسمها في باله على اساس انه رسام" لكن الطامة الكبرى طلعت البنت مغرورة

لو رسمها صح .. كيف كان يرضى فيها او يختار وحده مغروره وهالصفه ماتعجبه ؟!
يعني هالصفه تبين على البنت ... الا اذا كانت السالفه خبط لزق بقوه .. او فيه بنات تشوف حالها بعد الخطوبه وتاخذ حريتها وتتفرعن وتبين على حقيقتها و تفرغ الكبت اللي كان عليها قبل الزواج فوق راس هالفقير المسكين ..

اقتباس: مع انها وافقت وتم كتابة العقد لكنها ظلت تشتكي ان خطيبها "مو وسيم" الاخ انحرج من نفسه ومن اهله تركها فترة بس ما فسخ العقد وراجعت البنت حساباتها وقبلت بالوضع

دي خبلة نمره وستماره ...وواضح انها متخبطه والدليل قبلت بالوضع .. اذا كان شرط الوسامه ضروري عندها ليش وافقت عليه من الاساس ..

وبعدين حتى لو وافقت عليه و اقنعت نفسها ورضت بالنصيب ... غلط ان تشتكي من نواقصه قدامه وتعايره على شكله ... خوب لو كانت تنتقد في اشياء ضروريه عشان تشجعه يطور نفسه كنا يمكن قلنا ماعليه .. بس هي قاعده تعايره على خلقة ربه ... وش تبغاه يعني يسوي عملية تجميل ؟!!!!!!


تدري لو انا منه طلقتها <<< بيهدم بيوت هو هههه


راح

اقتباس: تحس ان الحياة الزوجية رابط مقدس مو على ورق او في لبس الدبله الرابط المقدس في الارواح اللي اجتمعت وتئالفت وصار بينهم مودة ورحمة ما اطول عليكم يا عيالي

كلام جمييل عمو ابو نور :)

اقتباس: لازم الزوج يفهم ان الزوجة وعاء مليء بالمشاعر والوعاء هذا بسرعة ينكسر واللي ينكسر صعبة يتصلح والزوجة لازم تفهم ان الزوج مهما كبر يظل طفل صغير ويحتاج الحنان والدلال حتى لو طلع في راسه شيب الزوجة اذا ما تكون مصدر قوة الى زوجها ماراح تكمل معاه المشوار والزوج اللي ما يلاحظ غير عيوب زوجته يعني في باله وحدة ثانية

خوووش حتشي ..

اصلا قناة الانوار لو تفهم ... اتطلعك حلقه كل اسبوع وتكسر على برنامج فوزيه في الراي :)


تحياتي

ينبوع

[سلسبـيل]

الظاهر الجبن خلص عندكم
اقصد " ام الفوز
هههههههههه
اصلا اني ماحب الجبن
ليه علقت عليها
يمكن لانها اخر كلمة في الموضوع وعجبتني


خوووش حتشي ..

اصلا قناة الانوار لو تفهم ... اتطلعك حلقه كل اسبوع وتكسر على برنامج فوزيه في الراي

هاا ويش رايك ابو نور اعمل مسج الى قناة الانوار واقول لهم عن مواهبكم العظيمه وكلامكم الجميل والرائع
كلامك سليم 100% يابو نور



هااا نعتمد:)

[ابو نور]

مواهب عظيمة
ههههههههههههههههههههههههههههههه

اخجلتم تواضعي

المشكلة طبعي خجول وبعدين ما اتحمل رسايل من المعجبين والمعجبات (صدق نفسه الاخ)

والله اتمنى قناة الانوار يعرضوا برنامج مثل هذا طبعا في اطار ديني وحسب الشرع
ويكون صريح فلا حياء في الدين

بس مو انا عاد

عندهم كبار العلماء المختصين في هالامور وعندهم دراية واضطلاع اكثر

بصراحة اذا عندكم القدرة للوصول الى المسعولين عن القناة ليش الانتظار

[سلسبـيل]

المشكلة طبعي خجول وبعدين ما اتحمل رسايل من المعجبين والمعجبات
ههههه خلاص مومشكله ارسلهم لي عادي استقبل
خلاص اني بارسل لهم مسج بعد شوي
واكيد بينظروا فيه

[ينبوع المعرفة]

اخوي ابو نور ...

ودي اقرا رأيك حول هذا الموضوع .. والاجابه على الاسئلة المطروحه اللي فيه

http://www.tarout.info/montada/showthread.php?t=28136



تحياتي لك

ينبوع

[ابو نور]

من عيوني يالغالي

[نينوى]

أخوتي أخواتي الأعضاء الأعزاء


أتمنى من الجميع عدم الخروج عن الموضوع الرئيسي (الأستبيان)

والدخول في موضوعات جانبيه..




شكراً للجميع








نينوى








منتدى تاروت الثقافي
بستان الفكر والمعرفة.

[ينبوع المعرفة]

اقتباس: من عيوني يالغالي

تسلم عيونك حبيب قلبي :)

اقتباس: أخوتي أخواتي الأعضاء الأعزاء أتمنى من الجميع عدم الخروج عن الموضوع الرئيسي (الأستبيان) والدخول في موضوعات جانبيه..

خيوه نينوى بعدنا في صلب الموضوع .. والردود الخفيفه ضرورية للترويح عن النفس وتغير الرثم :)


تحياتي لك

ينبوع

[الوحيدة]

1- كثرة حالات الطلاق وفسخ العقد الى ماذا تعزيها بوجهة نظرك ؟وهل لديك حلول؟
أحيانا عدم الألتزام الديني .. اختلاف المرجع التقليدي أحيانا اخرى .. الأختلاف في التعامل مع القضايا العامه .. الأسلوب والسلوك .... أسباب كثيره ..

2- متى تحسي او تدركي بان الوقت مناسب لك للزواج ؟

من عمر 18 سنه 3-
بوجهة نظرك ماهي متطلبات الزواج التي من المفترض ان تتحلي بها ؟
أهم شيء سكن يضمني انا وزوجي ويضمن لنا في المستقبل مكان مريح لأولادنا

4- ماهي الطريقه المثلى للأختيار ؟
الدين .. من ارتضيتم دينه وخلقه فزوجوه مدري اذا النص صح او لا بس بما معناه
الأخلاق .. طريقة تعامله مع الناس .. مو معقد أهم شي ولا متحجر .. ولا متحرر لدرجه لاتطاق .. حل وسط

5- ماهو الفارق العمري المناسب بين الزوجين ؟ ولماذا؟

من 3 سنوات - 6 سنوات .. لأن فارق العمر الكبير أحيانا يكون سبب في المشاكل الزوجيه

6- ماهي مواصفات فارس احلامك ؟
الحمد لله فارس احلامي عندي ..

7- اعطي درجة للعوامل الاتية التي تحدد مدى اهميتها في قبولك بالشاب المتقدم لخطبتك ..

من صفر الى 10 (صفر =الاقل ,,, 10 =الأعلى )

-المستوى العلمي 6-المستوى المادي 6
-الأخلاق 9
-الدين 8
-الوسامة 7
-الثقافة 6
-الطموح 10
-العائلة 10
-مدى القرابة 0

8- ما الاسئله التي تهمك معرفة اجابتها عن المتقدم لك ؟
دينه .. أسلوبه .. طبيعة عمله .. أصحابه ( قلي من تصاحب اقول لك من أنت )
جلساته ,, مع من ؟؟ تعليمه

9- ماذا تريدي او ماذا تتوقعي من خطيبك في فترة الخطوبة ؟
حرية الرأي .. تفهم الأوضاع الحرجه

10- ماذا تتوقعين منه ان يقول و يتصرف في اول لقاء يجمعك به ؟
لا تعليق .. شي صار و مضى مع الأيام

11- وبوجهة نظرك ماذا يريد اغلب الشباب في فترة الخطوبة ؟
مدري .. اشياء وايد .. هو اعلم بنواياه

12- وهل انتي مستعدة لتقدمي كل مايطلبه منك زوجك في تلك الفترة ؟

لا طبعا .. الشي اذا زاد عن حده انقلب ضده .. في حدود المعقول 13- هل تقبلين بالحجز ؟

عادي .. اذا كان الشاب والفتاه راضين بالوضع ليش لا ..
أهم شي الشاب مقتنع بالبنت والبنت تبيه .. أما غير كذا فأنا من المعارضين
14- هل تتقبلين فترة الخطوبة الطويلة ؟

لا تزيد عن السنه والنصف ..
15- هل ستتصرفي بطبيعتك وبصراحة و تلقائيه في فترة الخطوبه وان كان لا ,,لماذا ؟
بطبيعتي اكيد وبصراحه هم اكيدين .. تلقائيه فيها شوي >> في اشياء ما تقدر تاخذ راحتك فيها وخاصة فترة الخطوبه على الأقل احتراما للطرف الآخر

16- هل تقبلين بأن تعطي السلطه مطلقة لزوجك ؟
لا مو في كل شي .. يعني له السلطه لكن مو مطلقه

17- او هل تقبليين الارتباط برجل شرقي حتى النخاع بعقلية ذكورية؟

نعم بما انا امرأة شرقيه لماذا لا أقبل برجل شرقي .. حتى النخاع هذه شوي قويه
أنا قلت اهم شي مو متحجر ..
18- مانوع الحرية التي ستطالبين زوجك ان يعطيها اياك؟
حرية الرأي

19- بشكل عام ماهو نوع المشاكل التي تتوقعين ان تواجهك في الحياة الزوجية ؟
........ لا تعليق الله لايجيب الزعل والمشاكل ما اتوقع

20- الخيانة الزوجية ماهي اسبابها من الطرفين ؟

اللا مبالاة .. البرود العاطفي .. والجنسي
21- هل تقرئين كتب عن ثقافية عن الزواج ومتطلبات الحياة الزوجية ؟
نعم ..


22- هل تتقبلين فكرة الانضمام للدورات التثقيفية عن الحياة الزوجية ؟

نعم


ودمتم سالمين ..

[أسيل]

أولاً معذرة على التأخير...

اقتباس: وشو اللي مستحيل يجتمع ... الايجابيات لو السلبيات ..

الإثنان معاً يعني مستحيل تكون في شريكه حياتك جميع الغيجابيات اللي تتمناها ومستحيل تجتمع فيها جميه السلبيات اللي تخشاها .

اقتباس: الايجابيات او اللي نتمناها .. صحيح مستحيل تجتمع في وحده .. مافيه احد كامل

عليك نور ولكن لاتنسى أن الإيجابيات اللي تتناها زوجتك مستحيل تحصلها كلها فيك لان مثل ماذكرت مافي احد كامل .

اقتباس: بس السلبيات ... اتوقع عادي ان تحصل البنيه فيها كل السلبيات المذكورة :d

هههـ بان الحقد :قليل حيا
طبعاً مستحيل كل إنسان له سلبيات وإيجابيات مهما طغت وحده على الثانيه
واللي تشوفه انت سلبي مو بالضروروي يكون عند غيرك سلبي
للابما أنت تكره أن صفه الغرور ولكن غيرك يتمنى أن يرتبط بزوجه فيها هذي الصفه .

اقتباس: مافييه احد كامل ... عارفين هالشي ... احنا محنا كاملين عشان نشترط وحده كاملة واحنا خوب ماطلبنا شي مستحيل ومستعديين نتنازل عن امور بسيطة بس فيه اشياء ماتقدر تتنازل فيها ..

خوش كلام

** همسه أخيره : شكلك أخوي ينبوع تبحث عن المواصفات القياسيه السعوديه وربي يساعدك على ماتلاقيها .

[ينبوع المعرفة]

الوحيدة ... اشكرك على المشاركة


..

خيوه أسيل ..


ترى ماعندش سالفة .. اتناقشيني في شي انا قلته من قبل ووضحته في ردودي ..

اقتباس: الإثنان معاً يعني مستحيل تكون في شريكه حياتك جميع الغيجابيات اللي تتمناها ومستحيل تجتمع فيها جميه السلبيات اللي تخشاها .

اقتباس: عليك نور ولكن لاتنسى أن الإيجابيات اللي تتناها زوجتك مستحيل تحصلها كلها فيك لان مثل ماذكرت مافي احد كامل .

كل هالكلام متفق عليه :)

اقتباس: طبعاً مستحيل كل إنسان له سلبيات وإيجابيات مهما طغت وحده على الثانيه واللي تشوفه انت سلبي مو بالضروروي يكون عند غيرك سلبي

جايز :)


ل

اقتباس: لابما أنت تكره أن صفه الغرور ولكن غيرك يتمنى أن يرتبط بزوجه فيها هذي الصفه .

صحيح فيه مثل ماتقولي ... بس هالنوعية يعاني من عقدة نقص هو بنفسه مايدري عنها .. ويبغى يعوضها بزوجه مغرورة ... انها رضيت فيه ووافقت عليه وتعامل الناس بتفاخر وغرور ...عشان تشبع النواقص اللي يعاني منها :)
..

وزي ماقلتي الناس مو كلها عندها نفس النظره ونفس المقاييس ... يعني ممكن تشوف رجال ودهم يتزوجوا نسوان يتحكموا فيهم >> ترى صدق فيه .. وفي من وده يتزوج وحده عشان بس اسم عيلتها .. او عشان راتبها .. الخ

اقتباس: ** همسه أخيره : شكلك أخوي ينبوع تبحث عن المواصفات القياسيه السعوديه وربي يساعدك على ماتلاقيها . __________________

مافيه شي اسمه مواصفات قياسيه ... انا ما ابحث عن وحده كامله .. اصلا الكماليه في كل شي والمثاليه في كل شي برضو صفه مو ايجابيه .. ومافي انسان يجي بالطريقه هذه .. ترى حتى بعض النواقص في الناس تكون جميلة احيانا وهي اللي تميز الشخصيه .. تميز انفعالاتها .. تصرفها الخ ... يعني يمكن هالنواقص احيانا تحببك بالطرف الاخر << احيانا :)

مشكورة عموما على المشاركة



تحياتي

ينبوع

[ينبوع المعرفة]

\

ربيع جاا ... وزادت الاعراس و الخطوبات :)

فيرفع للي عنده اختبار قريب ويبغى يذاكر :d



تحياتي

ينبوع

[سلسبـيل]

اقتباس: المشاركة الأصلية كتبت بواسطة ينبوع المعرفة  \ ربيع جاا ... وزادت الاعراس و الخطوبات :) فيرفع للي عنده اختبار قريب ويبغى يذاكر :d تحياتي ينبوع

هالموضوع في ذكريات والله .
وكانه رساله دكتوراه صار+ حضور مؤتمرات ومتابعة دقيقه
وان شاء الله تبشرونا بالنتيجه احنا نبي A+

[سلسبـيل]

نسيت شئ اذا احد عنده سؤال او استفسار لا يتردد ولا يحتار ولا شئ حاضرين لأي سؤال