الفرق بين مهند وشبابنا.....خخخخخخخخ

[SanfoOoOora]

من دون مقدمات
\/\/\/\/\/\/\/\/\/\/\/\/\/
في الحقيقه والواقع .. المقارنه ثقيله على جبد الشباب .. لكن هذا شي ( لابد ) ان يكون .. عشان شبابنا المحترمين .. دايما كانو يقارنون بنات الخليج بـ هيفا ونانسي و رولا وغولا وغوريلا .. لكن جا الوقت اللي لازم يشوفون الحقيقه بعيونهم الاربع


- مهند -



يرجع من الدوام في الشركة .. يروح لـ نور .. يبوس راسها .. وبحنان يحضنها .. الللله يا حلاتهم عصافير الجنة .. يقولها :



( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )



- شباب الخليج -



يرجع الخليجي من الدوام .. يروح لـ زوجته .. ويهه مكشر صايدته الشمس .. يدش على زوجته لا سلام ولا كلام .. يفصخ هدومه ويحذفهم على السرير او على الشماعة .. ويزيد على برودة المكيف ويقول لزوجته :



( بسرعه حطي الغدا ميت يوووع .. المدير ذبحني بالشغل الله ياخذه ! بسررررررررعه حطي الغدا ما تشوفيني تعبان وابي اكل وانام ؟؟ )



.
.



- مهند -



نور حامل .. يا الله على الدلع ! خايف عليها من نسمة الهوا .. ويقولها :



( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــووووووب )



- شباب الخليج -



مرت الخليجي حامل ! ومسكينه الحرمه متنسيه بـ تفاح اخضر .. عاد يقولها :



( اووووووووفففف !! شوفي لا اتنسين فوق راسي !! بلعي تفاح احمر وانتي ساكته .. مو لازم اخضر ! اهو كله تفاح .. لا اتفلسفين علي )



.
.



- مهند -



مهند طالع مع نور السوق .. يشترون لهم هدوم .. ودار الحوار التالي :



نور : حبيبي .. شو رايك بالفستان الاحمر .. حلو مو ؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !



- شباب الخليج -



الخليجي طالع مع زوجته السوق .. ما دار بينهم حوار .. ليش ؟!
لان اهو يمشي قدام .. وهي وراه تركض ..



وكل اللي قاله ( بسرعه خلصي .. ابي ألحق على ديوانية الربع ) !



.
.



- مهند -



قام من النوم نص الليل .. ما شاف زوجته يمه .. جان يخاف .. راح يدورها ويحاتيها .. ويوم لقاها رايحه تشرب ماي بالمطبخ .. قال لها



( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )



- شباب الخليج -



قام من النوم نص الليل .. ما شاف زوجته يمه .. فتح الليتات .. قام يصارخ :



( فطووووووووووووم ويهـــــــد .. فطووووووووووووم وطاعون .. فطووووم وايدز .. فطووووم كنسر ان شاء الله .. وينج انتتتتتتتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حرررر .. ما تحسين .. دمج بارد .. الله ياخذ اليوم اللي فكرت اخذج من اهلج فيه )



.
.



- مهند -



قاعد يقرا كتاب .. وفجاه ياته نور .. لابسه فستان يديد .. وصار هالحوار ..



نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..



- شباب الخليج -



قاعد يطالع مباراه ريال مدريد وبرشلونه .. خو شبابنا مو مال كتب وثقافه !
و زوجته مستانسه بالفستان اليديد .. تبيه يشوفها .. طافت جدامه عشان يشوف .. وصار هالحوار :



الخليجي : قوووووووووووومي قامت ركبّج وما اقعدت ! ما تشوفيني اطالع المباراه ؟!
الزوجه : حبيبي شفيك .. كنت ابيك تشوف فستاني اليديد .. شرايك ؟!
الخليجي : وجذي تخربين علي المباراه .. ما شفت حركة رونالدينهو الحين طافتني كله منج !
الزوجه : انزين عاااد .. شرايك بالفستان ؟!
الخليجي : شالموضة الخايسه اللي طالعين فيها انتو يالبنات ؟! هذا فستان بذمتج ؟! لو لابسه خيشة البصل وايد احلى .. مخصره خيشة البصل ما تفرق !!



.
.
.


من ايميلي

[سر هدايتي أئمتي]

ههههههههههههههههههههههههههههههه فعلاً فرق شاسع

الله يعين بنات الخليج ..علشان كذا الطلاق زايد والسبب مهند خخخخخخخخخ

مشكوره اختي سنفوره على هالنقل

[سوار من ذهب]

هههههههههههههههههه
كلمك عين العقل والله

كلي دلع

[الحساسة]

كلامك عدل
يسلموووووووووا

[عاشقة المهاجر]

الله يدفع البلاءنسألكم الدعااااااااااااااااااااااااااااااااااء

[جودي]

هههههههههههههههههههههههههههههههههههه
اي والله فرق السما عن الارض خخ

يسلموووو



تحياتي
جــــــــــــــــــودي

[المحتار]

يا مفرج يا الله

[@ HONEY @]

كان زين يتعلموا الرجال من رومانسيه مهند


مشكوره سنفوره

[فراشة الصباح]

ههههههههههههههههههههه

فعلاً فرق السماء والارض
يسلموا
تحياتي

[Dr. so0os]

هههههههههههههه هو صج فرق بس بعد في اشياء يتميز فيها الخليجي وطبعا اقصد الحترم بس عن مهند ابو السكر والبنات والخيانه .................الخ

بس هم الحين شبابنا اللهم ياكافي يعبون على مهند وهم اعظم منه .
وللحين ماشفنا ردود من اخوانه التماسيح

وينكم يالتماااااااااااااااسيح نبي رايكم ؟؟؟؟؟؟

[Brave Heart 73]

والله زمعجبين بمهند بنات بلادي هههههههههههههه
والله تمام يعني تبغو في المسلسل يعاملها بالواقع اللي يعيشه ؟؟؟ مافي امل مستحيل الحمد لله على نعمة العقل اللي عطاها الله للرجال مو شقيقاتنا (اسمهم شقى) لان ما يعجبهم العجب ولا الصيام في الصيف لا ويبغونا اندلعهم على اي اساس زمان اول المراه ما ترفع وجهها قدام زوجها والحين تتحكم الله يستر من اخر هالزمن

[شيعيه]

اقتباس: ( فطووووووووووووم ويهـــــــد .. فطووووووووووووم وطاعون .. فطووووم وايدز .. فطووووم كنسر ان شاء الله .. وينج انتتتتتتتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حرررر .. ما تحسين .. دمج بارد .. الله ياخذ اليوم اللي فكرت اخذج من اهلج فيه )

ههههههههههههههههههههــ

ويلي ماقدرت

مابقى طاعون ولا سلال اللي حطه فيها ,,

الله يعينكم يالمتزوجات ههههههههههههههههههههههــ

تشكرات ام السنافر ,,