الحب من ربـي وانـا حبيتـش
بالحب أنا مجبـور وأنتين مجبـوره
للعشـق جبتيـني وانا وديتـش
في قلبي يابعـده وبعد حجـوره
طفلـه هويتـش بعدها ربيتـش
علمتش فنـون الهـوى والغـيره
وبالديـن ماقصـرت أنا دليتـش
لقنتش أحكام الصـلاه والسـيره
وأعطيتش برستيج ماضريتـــش
والذوق من صغرش فتحت بحـوره
وعدلت من وضعـش ولاخليتش
تتكبري وبعدين اللقاش مغـروره
سويـت منش مـاي أنا وصبيتش
في كاس عـزه ومفخـره منثوره
مليـت من درسـي ولامليتـش
كل يوم نركب بالعلـم مقطـوره
قومي أكتبي بشفـاش لاناديتـش
بوساتش حروف وخدي سبـوره
دار الزمـان وصرتي شمعـة بيتش
وجهش على الأكوان ساطع نوره
واسمعت بالديـره تعالـى صيتش
كل واحد بأمــه يتانــي دوره
خطابـه طلبوا ايدش وحسيتـش
صحـتي دمـوع محيره ومكسوره
ماهو بيـدي يوم أنا ماجيتــش
حالـي ضعيف وقدرتـي مبتوره
قالت: يجبرونـي وقلت: أعفيتش
أهلش تمنوا شوفتـش مستـوره
بس أذكريـني مثلـما وصيتـش
لاصرتي بأحضانه وحواش شعوره
ولا باسش بخدش وضمش ليتش
تطري زمانـي وبوسة السبـوره
وآنا أدعي ربـي كثر ماعزيتـش
يجبر عزاي وفرحـتي المقهــوره
وماهـو بيدي يوم أنا خليتـش
بالبعد أنا مجبـور وأنتين مجبـوره
28-10-08
03-11-08, 11:01 PM
طفــله هـويتـش
العرض الشجري