الفرق بينrm و ram

[فتى تاروت]

الفرق بين rm و ram، أن ملف rm هو ملف صوتي كامل يعني أغنية أو تسجيل صوتي أو فيديو بينما الـram هو فقط توصيلة لملف rm، بمعنى آخر طريقة يستخدمها برنامج Real Player عشان يشغل الملفات الصوتية بدون الحاجة لتنزيلها.. وللمعلومية، ملف ram ماهو الا ملف نصي مكتوب فيه سطر واحد بس، السطر هذا هو عنوان ملف الصوت الأساسي اللي بامتداد rm عشان يشغله برنامج الريال بلاير بدون مايحتاج تنزيل..
التحويل من rm إلى ram:
ترسل ملفك الصوتي اللي امتداده rm لموقعك... طبعاً هالملف للتنزيل يعني مايقدرون يسمعونه أونلاين على طول بدون مايضطرون أنهم يحملونه لأجهزتهم... عشان كذا نبدا الحين نجهز ملف ram وظيفته انه يخلي المستمعين يسمعون ملفك الأصلي rm بدون ماينزلونه..

اضغط بالزر الأيمن في المكان اللي تبي تشتغل عليه، مثلاً في مستكشف الوندوز، ثم اختر مستند نصي جديد New Text Document
بينشيء لك ملف جديد افتحه واكتب فيه عنوان (URL) الملف الصوتي اللي أرسلته لموقعك واللي مخصص للتنزيل.. امتداده rm،
الحين حط حفظ باسم Save As ثم اكتب اسم الملف زي ماتحب، بنسميه مثلاً Jaroosh .. لكن انتبه! حنا مانبيه يحفظه بامتداد نصي txt... حنا نبيه ram عشان كذا تكتب اسمه متبوعاً بامتداد رام وبين علامتي اقتباس ثم اضغط انتر

راح ينشأ لك ملف ram وأيقونته مثل أيقونة الريال بلاير
هالملف ترسله لموقعك وتعطي الناس عنوانه عشان يستمعون للملف الأصلي اللي صيغته rm أونلاين بدون الحاجة لتنزيله.. قبل لا أنسى، الملف النصي اللي أنشئته في البداية احذفه خلاص لأنك ماتحتاجه!
التحويل من ram إلى rm:
إذا كنت بموقع وتسمع الملفات الصوتية أونلاين فبامكانك انك تنزلها لجهازك عشان تسمعها بدون اتصال حتى لو ما وفر الموقع هالخدمة..
الطريقة هي انك تضغط بالزر الأيمن على لنك الملف وتختار حفظ الهدف باسم Save Target As بعد كذا راح يطلع لك مربع الحفظ باسم... احفظها في أي مكان (سطح المكتب مثلاً) ثم اضغط OK. الحين نبي نفتحها بالمفكرة Notepad عشان ناخذ عنوان الملف الصوتي لكي ننزله على جهازنا..
اللي أجهزتهم ويندوز 98 و 95 يضغط Shift والزر الأيمن ثم يختار فتح بواسطة Open with،، أما اللي أجهزتهم ويندوز ميلينيوم ME فيسوي نفس الشي بس مايحتاج يضغط Shift

من قائمة البرامج اللي بتطلع لك اختر المفكرة Notepad ثم اضغط موافق OK!


الحين انفتح لك الملف بالمفكرة وفيه مكتوب سطر واحد وهو عنوان الملف الأصلي.. انسخ السطر اللي طلع وألصقه في شريط المتصفح واضغط انتر وبيبدا يتحمل عشان ينزل كامل على جهازك !

ملاحظة هامة: بعض الملفات لما تفتحها راح يطلع لك عنوانها غريب بعض الشيء.. مثلاً تبدا بـ pnm .. مثل هاللنك:
pnm://www.vipworld-alpine.com/real/kathem2001ka.rm
اللي عليك انك تنسخه في شريط المتصفح لكن تبدل كلمة pnm بـ http وانشالله غالباً بينزل معك تمام