رساله خريّج

[رماس]

[ALIGN=CENTER]رساله خريّج

محلى ذيك السنين
عن الهم كنا بعيدين
كنا اطفال يا حليلنا حلوين
وتبتدي ايام الدراسة
وتحس انها مليانه نحاسه
ويطلع اسمك .. وابوك اركض يا ولد
وتركض وتصف في ذاك الطابور
وتسمع الصفارة 000وتحس فيك مرارة
يالله يا اولاد على الصفوف 0000 ويوزعون الكتب
وتبتدي مرحلة الابتدائية
وتنتهي بصف سادس
ومكتوب على الشهادة ناجح وينتقل للصف الاول متوسط
واخذ الشهادة وانا منبسط
واحلم بذيك الاحلام الوردية
متى اتوظف ويكون عندي راتب
متى يكون عندي اولاد وعليهم احاسب
اف متى تجي ايام الثانوية

وبلحظة تمر ثلاث سنوات
ووراها ثلاث سنوات
وبلحظه احس ان احلامي ضايعة
واعيد سنه علشان المعدل وادخل الجامعة

ابيييه 00 اشلون اعدي هالمواد
مادة تتكلم عن التضخم وعن الكساد
ومادة اشلون المدير يكون مدير
ولذي الشركه اشلون لها يدير
وتبتدي مرحلة الغش والبراشيم
مع العلم الغشاش تتطبق عليه التعاميم
ومع هذا اغش علشان بس اعدي بعض المواد
اللي الدكتور يعطينا فيها من النقطه لين النقطه
ويجلس يتصيد عليك اقل غلطه
ومع هذا تمر السنين
واليا عديت مادة اف تكون بالستين

ومني انقطعت المكافاة الشهريه
ومليت من القاعات والفصول والحلقات الدراسيه
واخيرا خذيت الشهادة الجامعيه
وامي وابوي مبروك واخيرا تحققت الامنيه
وابوي يقول 0000
يالله يا ولدي توظف وشيل عني الحمل اشويه
وامي تقول لي 00 كلام بحس نيه
يا وليدي ان توظفت لازوجك بنت ادميه
تبيها دكتورة ولا بنت في الكليه
ولا تبيها صغيرة ولا في المرحله الجامعيه
يا وليدي ابي افرح فيك وبولادك اكحل عينيه
بس يالله توظف 00000!
وما اخلي شركه في الي يسمونها هذي الشرقيه
لا الاحساء ولا الخبر ولا الدمام ولا الجبيل لين وصلت النعيريه
اهلا هلا بك000 عندك واسطه
لا ماعندي 00 طيب انت ما تشوف اليافطه
تراك انت ما تحس وما تشوف الازمه العراقيه
والجيوش اللي عندنا هالجيوش الامريكيه
ترى جد ابتلشنا 000 ومن الامريكان انتحسنا
وتركوا فينا عله
وكل هذا كوم وكوم قناة المستقله
جالسه تفتن بين الفرق الشيعيه والسنيه
وكلامهم مثل النص في المسرحيه
ومع هذا اروح اقدم ويطلبون مني بطاقه الاحوال الشخصيه
انت من القطيف 00 ايه نعم 00 على بالي ترحاب
ترا ك انت نوعيه فريدة من الشباب
خل ملفك عندنا ويالله ضف وجهك واقضب الباب
وتمر سنين وانا انتظر التلفون يرن
لعل وعسى يمكن ذاك المدير علي يحن

وتجي اختي وتقول 0000 اشفيك
ولا تفكر انه بجلوسك ربي راح يعطيك
وعلى قوله المصريين الرزق يحب الخفيه
خلك من وجع الراس
وسو مثل العالم ومثل هالناس
خذلك يا اخوك باص
ووصل لك كم ابنيه
هذي في مستشفى وذي مدّرسه وذي في الكليه
ترى في الشهر تلاقي لك من كل بنت اقل شي ثلاث ميه
ومشوارك مع الشركات تراه طويل
واول شغله للجامعي تراها شغله التوصيل
لا تستحي 000 افعل يا خوك كل ما تبي
تراك يا خوك انت جامعي
وانت منت بخيالي شخص واقعي
وينك ووين هالشركات
ترى يعطونك اقل المرتبات
مو انت جامعي 00 راتبك الفين وثلاث ميه
واذا زاد زاد صار الفين واربع ميه
ومع كرف السنين يالله اذا عطوك علاوة ميه
طيب والشهادة الجامعيه
وكرف هالسنين من الابتدائيه والمتوسط والثانويه
يعني ابتسم مثل غيري واقول
انه انا متخرج من جامعه داخل حدود
الــــــــســـــــعــــــــوديـــــه



اخوكم
رمّــــــــــــــــــــــــــــــاس[/ALIGN]