أين ذهب (( المسحر ))

[شروفه]

السلام عليكم ورحمة الله وبركاته

كلعـــــــاموأنتمبخير

كم مرة وأنتون صغار مشيتو روا المسحر وترددو الي يقوله (( سحور ياعباد الله .................... )) والله أنسيت وشو كان يقول ..

ياريت هذي العادة ما ماتت لان ليها جو خاص المسحر يطوف بين البيوت وهو يذكر الناس بالله ..

ليش الناس صارت تنزعج من صوت الطبل مع أنها ماتنزعج من صوت التلفزيون ... ليش الناس أشتكو علي المسحر وقالو أنه مايخليهم ينامو مع أنهم الي الصبح علي التلفاز...:(:(

والله خسارة الناس شيئا فشئ ينسو عادات رمضان الأول ..:(:(


منهو من الأعضاء الا كان يمشي وراء المسحر الي آخر الفريق يوصل اياه
وهو يردد وراء الكلام الا خسارة نسيته وياريت أحد منكم يذكرني وش كان يقول لاني حنيت الي صوت الطبل

[منهاج علي]

حلو الموضوع

[منهاج علي]

[ALIGN=CENTER]وعليكم السلام ورحمة الله وبركاته خيوه شروفه
وانتي بصحه وسلامه ان شاء الله
ومتباركه بالشهر [/ALIGN]


[ALIGN=CENTER]اني وحده كنت امشي وراء
ماقصرت بعد كل لليله استنى على الباب
بس خساره احين مايجي
خربوا علينا هالناس والله
والكلام اللي يقوله المسحر
نسيته والله يمكن صار الى المسحر
مايدور حوال 3 سنوات تقريبا او اكثر
والله يعطيك العافيه شروفه
على الموضوع الجميل وذكرتينا بأيام الطفوله.....
وانتي كنت تمشي وراء لو لا؟
ماعليه خيوه استحمليني على فضولي

تحيات أختك:نورعلـــــي[/ALIGN]

[شروفه]

لو ماكنت أمشي وراءه ماكتبت الموضوع

ياريت أرجع صغير وأجمع البنات والصبيان ونروح وراه :(:( وكنا نروح وياه بعيد ولانتعب أبدا ونظل نمشي ونمشي الي زين يروح بيتهم نرجع أحنا البيت

والله كان يحبنا المسحر وأني كنت أحبه وااااااجد بس الله يسامحهم الناس خربو علينا كل شئ

اه ياخيوه والله دمعت عيوني من ذكرت المسحر

[نوري]

السلام عليكم ورحمة الله وبركاته
خوش سالفه ذكرتوني بالايام لول اخخخخخخ على زمن لول
كان كل سنه في المسحر احين ما في اذكر اخر مرة شفت لمسحر كان يدور في فريقنا ويا اولاد فريق جت اليهم دوريه ولحقتهم (يقولو ازعاج ) وشرد المسحر:( وتالي وبعد دا اليوم ما شفت لمسحر والله حاله.....الله يعداايها
مشكور اختي شروفه على موضوع حلو

[النجمه المضيئه]

انا ماذكرتوني بأيام الطفوله لأن أحنا هنا

ماعندنا مسحر ولا أعرف وش يقول المسحر

تحياتي نجووووووووووووووم

[ياسمينـــــــا]

[ALIGN=CENTER] السلام عليكم ورحمة الله وبركاته
وكل عام وانتم بألف خير وصحه وسلامه
تسلمي على الموضوع ايوا والله كانت ايام المسحر حلوه
بس ماكنت ادور مع المسحر

الله يذكرك با لخير يا ابو مجيب ماكان احد يجلسنا من النوم غيرك
تنادي على اهل الفريق بااساميهم

الله كريم[/ALIGN]

[عنابه]

كل عام ونتي بصحة وسلامة

ذكرتيني لمه كنت صغيرة كنت اموت خوف من شيء اسمه مسحر لكن ليش ما ادري:rolleyes: ويوم تجرئت وقلت خني اشوفه وطليت من جانب الباب وتالب شنو طلع طلع رجال عادي حامل طبله وطق عليها وينادي سحور يا عباد الله

وتنعاد عليكم هل لايام المباركه بل الافراح والخيرات
عنوبه

[ساجد]

الله يذكرك با لخير يا ابو مجيب ماكان احد يجلسنا من النوم غيرك

[الزمان]

[ALIGN=CENTER]الله يذكرك بالخير يالحايكَـ
كان يلف العوامية لف
وزرنوق زرنوق
الله يعطيه الصحة والعافية
بحق محمد وآله الطيبين الطاهرين

بس حسافة والله أعطوه عين :(
ما يستاهل الغالي

مشكورة أختي شروفة
ذكرتينا بأيام لول


تقبلوا تحيات
الزمان[/ALIGN]

[صحوة الضمير]

[ALIGN=CENTER]السلام عليكم ورحمة الله وبركاته
في الحقيقة لم أكن يوما أسير وراء المسحر وللأسف المسحر ظل متواجد في المناطق القديمة واختفى وأما المناطق الجديدة فلا بها مسحر أبدا

ويعود السبب لاحتفاء الظواهر القديمة هو تغير أحوال الزمان من الماضي إلى الآن فنضرب مثالا..
بالسابق كان الرجل يعمل بالمزرعة ويحرث ويرعى الغنم..أما الآن فالأمور تغير فأصبحت لا تؤكل العيش الرغيد للأسرة وبتواجد المفط والطفرة التي حصلت وتراكم الإنشغالات..لم يجد بعض من أجزاء التراث إلا من يتذكره لينقلها للأجيال القادمة بلا وريث فعلي ومطبق له


يبقى مجرد رأي..

صحوة الضمير [/ALIGN]

[شروفه]

شكرا لكم جميعا

خسارة تراث آخر رحل من دون رجعة :(:(

[ام مهدي]

بسم الله الرحمن الرحيم


بالنسبة عندنا فانا اسمع المسحر في كل يوم

نعم اتذكر لما كنت صغيره كنت اطلع في فجر الله عشان نوقف مع المسحر واتذكر هذك اليوم كان مطر وصابني زكام


الله يرجع ايام اول الحلوه

[إبن العرندس]

إي والله خسارة :(

أنا كنت امشي ورا لمسحر

يقول : يا نايم صح النوم صبحكم الله بالخير

ويقول بعد :rolleyes: أول ما نبدي ويش نقول(ونرد وراه) >> شيل لله ،،
عقب الصلاة على الرسول >> شيل لله

بس نسيت

شكرا اختي على الموضوع
فمان الله

[mujeeb]

بأذن الله تعالى راح نحاول نعيد الايام الحلوه مع المسحر في رمضان هذه السنة وشكراً على هذا الموضوع الجميل ياشروفه