حاولت بأنسى ... لكن مانسيت

[طلت قمر]

حاولت بأنسى ... لكن مانسيت
مقدمة :
محاولة بسيطة ومساحة صغيرة ... احاول بكل تفاؤل ان اعيد لنفسي بعض المذكرات والدفاتر القديمة ... رغم حداثتها ... فالثانية بيوم والدقيقة بشهر والساعة بسنه ... وهكذا ... احاول بكل قوة ان اخاطبكم ان اطلق لعقلي وقلبي العنان ويبحر في مفرداتي لأأبني منها خاطرة تستحق منكم القراءة وحرية النقد ... فإلى الخاطرة ....

**************************************************

الخاطرة
حاولت بأنسى ياعمري لكن مانسيت .... وشلون بأنسى شيء مولود فيني ... شيء ما اقدر امتنع عنه ... ولاهو هو يقدر بعد يخليني ... سألت نفسي ... ليه ياعمري ... تنسى اني حبيبك ... واني شيء مزروع بداخلك ... ولو تناسيت وفكرت تنسى ... صورتي راح تلازمك ... وقلبي راح يكلمك ... وصوتي بيصرخ ويناديك ... ولا تفكر تنسى ...

حبك بداخلي يضيع في سنيني ... يدوخ في دهاليزي ... يبكي الحب لو تفرقنا ... لو بكينا ... لو حاولنا ننسى ... وش ننسى ... هي يوم ولا حتى شهر ... هذي عشرة سنين ... وانا معاك ... وانا وياك .. حلمي انتي ووهمي انتي ... وحياتي انتي ... والماضي بدونك ما اعرفه والحاضر بغيابك شيء اجهله ..

سألتك في مرة ... وانا وياك نمشى ... كانت الطيور تغرد لا تكلمنا ..وكانت السعادة تضحك لا تهامسنا ... وكانت الحياة اشبه بقصة لنا بس ... سألتك .. وش انا بالنسبة لك ... وش اكون في عالمك .. قلت ببسمه طفلة ... انت كلي ... كلمتين قلتيها .. اكفتني عن كل الحروف ... كلمتين .. هي البلاغة والشعر ولغات العالم .. انتي اختصريها بكلمتين .. يااااااه ...

رجعت لنفس المكان ... ولقيت الطيور انتحرت ... والسعادة لابسة ثوب اسود ... ولقيت عجوز عرفت بعدين انها الحياة ... بس للأسف مالقيتك .. حاولت اجلس بنفس المكان ... لكن ماقدرت ... وشلون بأقدر وانتي ما انتي معاي ... وش هالحروف اللي راح تنطق فيني ..وش هالكلام اللي اقدر اشكله ... عجزت والله

شلون مرت هالمدة وانا ما اشوفك ... شلون قدرت اصبر ... تدرين وشلون ياعمري ... قدرت بشيء واحد بس ..هو طيفك من فارقني ... وهو ملازمني ... هو الآمل ... هو اللي مصبرني ... وعلى هالطيف انا اصبر ... وعليه .. ابنى كل حياتي .. ..اكتب قصيدة ارثي نفسي .. واكتب لك وصاتي ...

مآساة تشكلت في صورة واقع ... ماراح اقول انك ماراح ترجعين ..بأصبر واصبر .. وانتتظر ..ألين ماتطلين ... وش ذنب الحياة تصير عاجزة ...
ولا تقولين وشفيك انت ... اقول انا لو بقيت سنين بدونك ... ترى بأعتبر هالسنين اللي ماشفتك ... هي سنين مهي محسوبه ... وبأنتظر نور الامل ... وانا قلت لك ألف مرة مافي آمل راح يجي بدونك
... ابد .. ابد .. ابد ...ياعمـــــــــري

وسلامتكم

لكم تحياتي

طلت قمر