انواع الحلقات

[حوطي وسيم]

انواع الحلقات ان شاء الله تعجبتكم شباب وشيابا
عند الاولاد :
1- قرعه ::: وهذا عاد ما يخلي ولا يبقي .. يشيل الشعر على الصفر يعني بالموس .. أو بالمكينة
2- دروه ::: وهذي مثل هالايام النيفي ... بس يشيل الشعر داير ما دار , ويخلي شوي في الوسطه .. وهذا اغلب الناس اللي يسوونها عليهم نظر ...
3- قصه ::: وهذي كان شفتون حلقة رونالدو مال البرازيل في كاس العالم ... شايل كل راسه ومخلي قصه في مقدمة الراس .. هذي نسميها الاول قصه ...

زين طورنا ... جابوا لينا الحلاقين ... ويش يحلقون
فيه شي يسمونه تواليت ... وهذيه الاول اللي يسويها عاد !!!!!!!!!! المهم : يحلق الشعر خفيف , ومن وراء يشيله أكثر ... ويسبط شعره ... ولما واحد يسويها نعطيه كف حلاقه
أو يحلقه على الموده ... يعني يسوي له فرق على الجنب الايسر أو الايمن ... وهذا يسمونه الدلوعه ...

زين عند النسوان .... والله الكذب خيبه ... ما اعرف وايد
لكن فيه تسريحات :
الشعر المسبط .. وهذا تحط كيلو دهن أو ودك على ذاك الراس .. وتسبط فيه زين ما زين ولا يقوم
ابو العبل :: هذا تسحيه ... وتفرق فرق في النص ... تقول كأنه رسته ... وتحط عبيلات فنتين .. واحده منيه واحده مناك ...
الدلوعه ... تحط له عبله ورا ... بس واحده .. ويسمونها ذيل حصان .. هذي عاد إذا كان شعرها خوصي ..
أو عاد تفل شعرها ...

زين ويش انواع الشعر :
1- العقبي ... هذا اللي يسمونه الفلافل ... ومن امه يسحي شعره أو تسحي شعرها بمشط ... عقبي اسمه فيه
2- الخوصي ... هذا عاد اللي شعرها خوصي اتباعد عنها ... ويمكن يسمونه البريسم ... يعني الحرير ..ز

بس ما اعرف اكثر من شديه ...