لـ " كسر السفرة " قبل أن يتيسر الأولاد على شغلهم ..
حيث إجتمع الجميع حول السفرة و الصفاء و السرور يعم المجلس
( يبدو ان المخرج جوعان ) 
و بينما الجميع منهمكون في الأكل خطر على بال الأخ الصغير أبو العز سؤال غريب ..
فسأل أبو العز أبوه : " يابي مين هن اسياد انجلترا و زعمائها... ؟ "
فـ أجاب أبو عصام بلا تردد : " ما بدها مفهومية لك إبني ..
أكيد الأرسنال هنّ أسياد اوروبا و معلميتّها .. "
و هنا تدخل عصام وبادر بالقول : " طيب ليش يابي ...؟؟ "
أبو عصام : " بسيطة لك إبني الله يرضى عليك ..
بسبب 13 دوري حارة (بريمير) و10 كؤوس للحارة ( إف آي كاب ) و غير هيك
عنّا 12 بطولة في الأعمال الخيرية (الدرع الخيرية)
و كأس دوري أبطال الحارات (كأس الإتحاد الأوروبي) ..
بالإضافة إلى نهائي دوري أبطال الشام (دوري أبطال أوروبا )
و هادا يا إبني بيدل على ان الجنرز متميزين بـ جميع البطولات الي بتصير بالحارة (إنجلترا)
و بالبطولات اللي بتصير على مستوى الحارات (البطولات الأوروبية)
و حتى البطولات اللي بتصير على مستوى الشام كلها ( البطولات العالمية )
و إذا كان مو عاجبك .. الجنرز متميزين حتى بـ مجال النسوان و الحريم ... "
هون نطّت أم عصام فجأة و إعترضت على كلام الحكيم أبو عصام و قالت له
"انتبه ابن عمي .. شو هالحكي هاد ..؟؟ دير بالك قّدام الولاد ..
لسّاتهن صغار و ما بينحكا قدامهنّ بـ هيك سير ..
أساسا ما بجوز عليك تحكي بالهموضوع من شان قدرك و قيمتك بين الناس
بعدين فهمني ... شو دخل النسوان بالموضوع ..؟؟
و لا بدك ياني ازعل منك ..؟؟ "
أبو عصام: " يا سعاد .. الله يحن عليكي .. فهمي الحكي أول و بعدين قاطعيني ...
لأني صاير ما عم أعرف أحويكي منيح هالكم يوم ... 
شو حكينا يعني ..؟؟ الولد سأل و عم جاوبه .. بقى لا تدخّلي كتير
بالــلي ما بخصك أحسن ما طلقك ..!! "
و التفت إلى إبنه أبو العز و قال
" شوف إبني الله يرضى عليك ... نادي الحريم عنده 9 بطولات حارة (بريمير)
و 8 كؤوس للحارة (إف آيه كاب) و غير هيك أربع بطولات للأعمال الخيرية
( درع خيرية ) .. و كأس دوري أبطال الحارات (كأس الإتحاد الأوروبي) ..
و كأس الزعيم (الريبوك) مرتين
و أشهد بالله أنهن الموسم الماضي رفعوا راسنا أكتر من الرجال حتى ..
"
هنا استأنست أم عصام و قالت" الرجال شو ما عملوا بعمرهن ما كان بيطلع لهن مع النسوان ..
بس مع هيك ما قلت إلك ابن عمي .. خليك بعيد عن مواضيع النسوان ... و بلا وجع راس .. 
"
و هنا تتدخل جميلة بسرعة ..
" له له له .. رجال آخر زمن .. ماعاد فيه لا كلمة و لا هبية ..
يامو خلي أبي عم يحكي .. لأنه حكيه حلو كتير و عم يمدح فينا نحن
النسوان .. مو متل رجال آخر زمن مو طالع معهن شي بس شوارب عالفاضي ... "
رد أبو العز بسرعة و إنفعال ..
" جميلة .. من أيمتى النسوان كان إلهن حكي على الرجال ..؟؟.. نقطينا بسكوتك بكون أحسن لك."
و هون تضايق عصام و قال " الله يسامحك يا بي .. شو يعني هلأ الرجال
ماعاد يعبّوا عينك هالكم يوم .. ما ضل غير النسوان نحكي عنهن ..
؟؟
شو ما ضل رجال بالحارة ... خلصوا يعني ... ؟؟"
أبو عصام " طوّل بالك لك إبني و الله ما حكينا شي .. بس الــلي بقصدوا أنو
الرجال صار بدهم فركة أدن بعد الموسم الماضي 
"
و كالعادة نط أبو العز لأنه أحس أن هالأمور من تخصصه .. 
" أمرني يا أبي .. إزه بدك هلأ فورا بجمعلك رجال الحارة و منطعميهن قتلة
لنادي الرجال .. لأنه اللي بدو يوطّي راسك بعد ما خلقك ... "
عصام " اخي الله يرضى عليك مو ناقصنا عيّ و مشاكل و وجع راس مع الحارات التانية .."
أبو عصام " روّق ولا معتز ... الشغلة كلها على بعضها مو مستاهلة ...
و بإذن الله الجنرز رح يبيض وجهنا هالموسم و رح يرفع راسنا و ياخذ الثلاثية و رح
يفرجوك كيف أنهن أبضايات و زكرتاويّه "
معتز " الله يخليك يا بي .. خليني أعملهن فركة أدن .. لأنو بصراحة
لساتني معصب .. كيف يعني الحريم أحسن من الرجال ..؟ ما عم تفوت بـ أعلي (عقلي)"
أبو عصام " هدّي حالك لك معتز .. لأنو رغم كل هالشي و رغم كل هالمشاكل ..
بس الجنرز لساتهن أسياد الحارة ( البريمير) ..
و لا نسيت شو عملوا الموسم الماضي أدام الشياطين (أعوذ بالله من الشيطان )
و كيف كسروا راسهن و مسحوا فيهن أراضي الحارة بالروحة و بالرجعة ...
و أدام الليفر اللي علّموا عليهن بنص حارتهن (الأنفيلد رود)
و صاوبوا منهن 6 رجال كاملين .. !!
و بعدين إبني ما بديّ زكرك شو ساووا بالكأس و كيف طالعوا المراجل و رفعوا راسنا
بالخناقات اللي صارت مع حارة أبو النار ( توتنهام ) ؟؟.. "
هنا قام أبو العز و قال:" ريحتليّ بالي يا بي ... الله يريح بالك ..
فعلاً انو الجنرز هن الأسياد و المعلميّة و ما حدا بيطلعلوا يعلّم عليهن ..
سمعانه يا جميلة ..و لا أعملك فركة الأدن إلك ..؟؟"
جميلة " الله يخليك أخي .. غلطت و منك السّماح .. الله يخليك سامحني ..
بعدين أنت ليش هيك بتضل فاير على طول ..؟؟"
عصام " و لا يهمك أختي .. كملي أكلك .. حصل خير .. روّقنا أبو العز .. شبنا ؟؟
"
أبو العز " ما سمعت شو قالت يا أخي ... كلام لا بينزل لا بـ ميزان و لا بقبّان .."
أبو عصام " خلصت لك أبي .. خلص فهمنا ..أقصروا الشر .. شو يا معتز بدك تقتل أختك
و أنا قاعد .. لكن شو رح تعمل بس الله ياخد أمانته ... ؟؟ "
أبو العز " بعيد الشر عن قلبك يابي ... الله يخليلنا ياك و إن شاء الله ما منحترمك ... "
و أضاف "بسيطة ... الله رحمك يا جميلة و أبوك تشفع إلك ... و لا كان دبارك عندي ..
شي حلو و الله .. النسوان صاروا يجيبوا معدل الرجال و الزكرتاوية بالعاطل ..!! "
أبو عصام " ما حلّنا نخلص من كترة الغلبه و العيّ ..
فعلا أن النسوان ما بيجي من وراهن غير وجع الراس و المشاكل ... "
و هنا قالت أم عصام "بالنكاية "
"مو قلت إلك ابن عمي ... خليك بعيد عن سوالف النسوان ..."
أبو عصام " و الله معك حق يا سعاد ..بس المهم يا ولاد ..
بديّ ياكن تحفظوا درس اليوم و تخلوه حلقه بأذكن .."
و أضاف " من هن أسياد أوروبا "
الولاد " ما بدها حكي .. الجنرز يا بي .. ما في كلام "
أبو عصام " الله يرضى علكن كلياتكن .. و خصوصا سعاد مع أنها معزبتني هالكم يوم .."
" يا الله .. دايمة .. روح إبني عصام سبقني و فتاح المحل .. لاحقك ..."
11-12-07, 02:38 PM
العرض العادي
