فتاة انحرفت والسبه ضغط أهلها عليها...........

[همس المشاعر]

..السلام عليكم ورحمة الله وبركاته..

..أشحالكم..

..عساكم بخير..

..اليوم جايبة لكم قصة فتاة حرمت من الحرية وانظروا ماذا فعلت..

كان فيه بنية عايش بين أهلها وجماعتها وكانت هي الوحيدة اللي أمها وأبوها يمنعونها من أشياء
تبيها...لكن مره من المرات راحت مع أمها لبيت عمتها وشافت البنات اللي في سنها لابسين بناطلين
إلا هي كانت لابسه جلابية وكانت تتغشى وكان لبس البنات عاجبها ويوم رجعت للبيت قالت
لأمها:يمه أنا أبي مثل ملابس بنات عمتي وايد حلوه
أمها:نعم نعم تبين تلبسين بنطلون مثل هلأجانب
البنت:بس يمه كل بنات الجماعه يلبسون إلا أنا
أمها:قلت لج لا يعني لا سكري الموضوع
البنت:يمه تكفين بس هالمره
أمها(وهي تمسك بنتها من شعرها):أنتي مايفيد معاج الطيب متعوده على الطق

وبعد ما طقتها قفلت عليها في الغرفه لمدة أربع أيام ما تطلع مكان وكانت الغرفه اللي محبوسه فيها
البنت ليتاتها خربانه والدريشه متقفله صار لها مده ومافيه مكيف ولا حتى مروحه وكانوا مايعطونها أكل إلا في الصبح وبس وإذا تبي تتغدا وتتعشا تبقي من الأكل عطوها وبعد ماخلصت مدة الحبس في الغرفه..

كان فيه حفله حق بنت خالهم وكانت الحفله بيحضرنوها شباب الجماعه والشياب يعني أختلاط عائلي يوم درت أمها وأبوها قالوا لها: ماكو روحه للحفله.. البنت:ليش كل الموجودين من جماعتنا
محد غريب.. قالوا لها:قلنا لج ماكو روحوه ماتفهمين.. البنت:يبه ويمه أنتوا ليش جذي معاي لبستوني العبايه والشيله وأنا عمري ثمان سنين سكت ومنعتوني من التنانير والبناطلين بحجة أنها لبس الأجانب وبلعتها منعتوني من المجماعات وقلت ماعليه خايفين علي من الشباب ومنعتوني من النت قلت خايفين علي من الخراب اللي فيه وحرمتوني من التيلفون وقلت هم يبون مصلحتي وسكت ومنعتوني من زيارات ربعي لي وماراحي لهم وقلت معليش الصبر مفتاح الفرج والتلفزيون ماتخلوني أشوفه إلا وأنتوا يمي وقلت يمكن بعض القنوات فيه أشياء مو زينه ومنعتوني أني أنفرد معا بنات الجماعه في الكلام لازم تكونون موجودين معانا وقلنا مايخالف النوم في غرفه
بروحي ومانعيني شوفوا الحين كم عمري وتنوموني معكم وقلوس مثل أي بنت ماتخلوني أحطه الأغاني الغراميه لو أقول مقطع منها بيكون ذاك يومي والسهر ممنوعه منه حدي الساعة أحد عشر وتاليتها معاكم أنا صبرت بما فيه الكفايه..
بعد ماخلصت كلامها مسكها أبوها وتم يطقها وجن اللي يطقها عدوها مو أبوها وعقب البنت راحت
في غيبوبه لمدة أسبوعين وحققوا مع أهلها لما ودوها للمستشفى وحكموا على أبوها سجن لمدة شهرين وبعد ماطلعت البنت من الغيبوبه قفلت أمها عليها البيت وراحت للجمعيه وراحت البنيه
وبطلت دريشة غرفة أمها ولقت واحد واقف تحت وتم يطالعها ويأشر لها ولا فهمت عليه وش يقول
فخذة البنت قلم وورقة من الكمدينوا وقطته عليه وكتب فيها كلام وقط عليها الورقه وأفتحتها (ممكن الرقم لوسمحتي أبيج في سالفه تخصج) البنت ردة عليه (ماعندي تيلفون) قرا الورقه وكتب لها (ما عندكم تيلفون بيت مو لازم جوال) كتبت البنت (عندنا تيلفون بيت ممنوع أقترب منه)
قرا الولد الكلام ورد عليها (أوكي أنا بعطيج جوال من عندي بس لاحد يدري به) البنت ردة وكتبت
(وشلون تقدر تعطيني إياه الباب مقفول علي) فكر الولد وطرت له فكره وكتبها لها (عادي إذا طلعوا أهلج بنط من الطوفه وبجي عند الدريشه وبعطيج الجوال) البنت ردة وكتبت (أنت الحين عندك جوال بتعطيني إياها) رد الولد (أنا عندي الحين إثنين أقدر أعطيج واحد) البنت شافت رده وردة عليه (أوكي يالله نط من الطوفه وتعال عند الدريشه قبل لايجون أهلي) نط الولد من الطوفه وجا عند الدريشه وعطا البنت الجوال..
قال لها: هالدريشه أحس أحد بيشوفنا عندها ما فيه دريشه ورى البيت
قالت له:بلا فيه ثنتين بس دريشة المجلس أحلا لأنها كبيره وايد روح لف على البيت لين تشوف دريشه كبيره وقف عندها وبجيك
راح الولد لدريشة اللي قالت له البنت عنها ونطره وثواني إلا هي جايته وبطلت الدريشه كامله
وكانت دريشة المجلس مافيها شبك حديد يعني تقدر تطلع من البيت في أي وقت وقعدة يم الولد وبكل جراءه وكانت لاصقه أريولها في أريوله وكانوا قاعدين على الدريشة..
قال لها:أنتي شو أسمج؟
قالت له:سمني على كيفك
قال لها:طيب أنتي شكلج وراج سالفه
قالت له:مو راي شي بس أنت شو عندك
قال لها:ماشي بس أبي..أبي
قالت له:تبي شوو
قال لها:أنا الصراحه أكثر من مره شفتج وحبيتج
قالت له:بس أنا ولا مره شفتك وبعدين أنا ما أطلع غير لبيت عمتي وخالتي بس
قال لها:وأنا كنت أراقبج من مكان لمكان من دون ماتحسون فيني وصار لي على هالحال يمكن ثلاث أو أربع شهور
قالت له:هذا اللي عندك بس
قال لها:سوري لو ضايقتج بس صدقيني أن كلامي صح
قالت له:مصدقتك والحين روح قبل لايطبون أهلي علي فجأه
قال لها:أنزين لبقيت أتصل فيج وأشلون
قالت له:مادري أنت عطني رقمك وأنا بتصل لاصار عندي فرصه
قال لها:أوكي عيل هاج الرقم

وخذة الرقم من الولد الكذاب وراحت تخش الجوال في مكان وفعلا خشته وعقب قعدة على الكنبه وتمت تفكر في كلام الولد هو صج ولا كذاب بس شكله صاج في كل كلمه قالها ويوم أرجعت أمها تمت البنت تترجا أمها أنه تخليها تسهر

البنت:يمه ممكن طلب أأصغيروني دام أبوي مو موجود
أمها:شو خلصيني
البنت:يمه خليني أسهر حتى التلفزيون والتيلفون شليه عندج بس أنا اليوم مافيني نوم
أمها:أوكي لكن تلفزيون وتيلفون ماكو
البنت:أوووووووووكي

وبعد ربع ساعه تقريبا راحت أمها ترقد وهي راحت وقعدة في الميلس وخدة الجوال وقفلت عليها الباب وأتصلت على الولد ورد بسرعه

البنت:آلووو
الولد:هلا والله بحياتي
البنت أنحرجت:هلا بك زود
الولد:أنتي من عندج الحين
البنت:محد بروحي
الولد:وين أمج وأبوج
البنت:أبوي في السجن وأمي نايمه
الولد:أنزين أنا مشتاق لج أقدر أشوفج
البنت:أي تعال
الولد بخبث:أوكي عيل ثواني وأكون عندج
البنت:أوكي

البنت أفتحت الدريشه للولد وتمت تنتظره وبعد شوي جا الولد ودش داخل الميلس وقعد حذاها..
قال لها:ما وحشتج
قالت له:الصراحه بلا
قرب الولد من البنت أكثر ومسك يدها وقال:والله أحبج
قالت له وبخجل:وأنا بعد بحبك إنشالله
قال لها:وليش ما حبيتيني للحين
قالت له:وأشلون أحبك من أول مره
قال لها:ماسمعتي بالحب من أول نظره
قالت له:لا ماسمعت به أبد توني أسمع به عندك

وشوي إلا مؤذن الفير يذن وراح الولد والبنت راحت تسوي عمرها نايمه وتمت تتكاثر بينهم وبدت البنت تحب الولد وتعقلت فيه وفي يوم جاها الولد للبيت..

الولد:حبيبتي تعالي يمي شوي
البنت:أكاني يمك
الولد:أنتي ماتقولين تمللتي من أهلج
البنت:بلا وبعدني على كلامي
الولد:أوكي وش رايج تروحين معاي لشقتي مافيه حد بس أنا بروحي
البنت:متردده
الولد:من شو متردده الله يهداج بس مو أحسن من عيشتج اللي عايشتها مع أهلج
البنت:لا حبيبي مقدر أروح معاك
الولد:مو على كيفج لو مارحتي بعلم أهلج
البنت:لا دخيلك لاتعلم أهلي
الولد:عيل روحي معي لشقتي
البنت:مادري عطني وقت أفكر
الولد:مهما فكرتي ردج بيكون أي
البنت:أووكي بس باجر لو كلمتك تعال إخذني
الولد:ماني بناطر لين باجر روحي خلصي الحين قبل لا يظهر النهار
البنت:أوووكي ثواني بس
الولد:بسرعه

بعد ماراحت البنت مع الولد لشقته هناك وفقدوها أهلها راحوا لمركز الشرطه يبلغون عن بنتهم المفقودة وبدة مراكز الشرطه يدورون عليه البنت وهي في الشقة مع الولد راحت تنام في غرفة والولد راح ينام في غرفة وهي نايمه دش عليها الولد وكان يبي((يهتك عرضها)) وقبل لايقرب منها توعت البنت وهي مرعوبه
البنت:شتبي
الولد:أنتي لاتصدقين عمرج يوم قلت أحبج أنا مابقيت إلا شي بسويه الحين وعقبه تنتقلين لرحمة الله
البنت:تكفا هدني هدني خلني أروووح
الولد:لا مافيه روحه

وهجم الولد على البنت وهتك عرضها وعقب تمت البنت تبكي في مكانه وتنزف دميان وراح الولد عشان يجيب شي يتخلص به منها وقتلها وسافر والشرطة لقت جثة البنت في البر وطلعت هي البنت المفقودة ولما عرفوا أمها وأبوها حسوا بتأنيب الضمير لضغطهم الزايد عليها..

وخلصت قصتنا وأتمنى تكون عبره للغيرهم من الوالدين..

[المحتاره]

[الجرح الحزين]

بعض الاهل يفكر ان الضغط شي كويس بالنسبه للبنات
وكتير من المشاكل تكون سببها الضغط ..
الحريه شي طيب تتعرف على شخصية البنت بدون اي ضغوط او دوافع ..
الموضوع مهم جدا ..
يسلمو يا الغلا..

[*مسحة طبية*]

يا دافع البلا

عنجد الضغط يولد الانفجار

المفروض الاهل اذا كانوا واثقين من تربيتهم للبنت ما يخافوا عليها من اي شي

لانها بتكون هي اللي ما ترضى بالغلط