مسجات بمناسبة وفاة أم البنين

[البتول العذراء]

قلبي ينادي واسمعه
للحشر ما جف مدمعه
لمصاب أم البنين الأربعة

>>>

من نسل طاهر أصلها وطيبيين
قدمت أربع ليوث من العرين
كلها راحت فدوة لتراب الحسين
لا تلومون القلب ياعاذلين
لو بكى دم على أم البنين

>>>>

فارقت اربعة ولد آني أم لبنيين ,,, من فارقتهم غصب ما فارقني البين

>>>>

لو غدر بيك الزمان
وجارت اعليك السنيين
لا تأيس من زمانك
قوم وانخى السيدة أم البنين
فَارَقْتُ روحِي مُذْ سَرَتْ أولادي ..... حَتَى غَدى نَيْلُ الْمَمَاتِ مُرادي

* * * * *

أم البنين آنه الحزينه الفاجده ..... ليل ونَهار النوح ابد ماهيده

من ساعة الْحادي بضعن عزي حِده ..... سَاقَتْنِيَ الأحزَانُ سَوقَ الْحَادي

* * * * *

حَر البُعُد ماظن أبد مثله ألَم ..... وجْروحه ماتضمد يظل جُروانه دم

عزي تضعضع الله ياعز انْهدم ..... قَدْ كَانَ رُكناً شَامِخُ الأطوادِ

* * * * *

أم البنين وفارﮔـت أربع ولِد ..... لاويني فـﮕـد الأربعه واشكي البُعُد

دلالِي من راحوا يهل دمع الوَجِد ..... حَتَى غَدى فَيضُ الْمدامِعِ زادي

* * * * *

روحي انفِنَت مِن فَارﮔـونِي الأربعه ..... متروعه وهِمْتِ بسواد الفاجعه

وكاس القهر والنايبه أتْجرعه ..... فَغَدى فُؤادي مِنْ أنِيْنِيَ صَادي

* * * * *

أذكرهم وتِخنـﮕـني عبرات الصدُر ..... واﮔـعد وحيده وهايِمه بليل الْهجُر

ﮔـلبِي على اولادي صُبَحْ مَوﮔِـد جَمُر ..... وَبِمُهْجَتِي لِلآهِ قَدْحُ زِنَاد

* * * * *

أﮔـضي الليالِي مساهره بنوح ونَحب ..... وعيناي اذبْهن شابِحات عْلَه الدرب

ماوالَمِت طيب الوِسَن لَنِّ الـﮕـلب ..... أَلِفَ الْبُكَاءَ ولَمْ يَمِلْ لِرُقَادِ

* * * * *

أﮔـعِد عَلى درب الْيِوَدي لكربله ..... عَنكم صِرت أسْمع خَبر مِتأمله

وكلمن يْمُر أتعنه صوبه وأسأله ..... أرأيتَ أقماراً بِذَاكَ الوادي

* * * * *

كلمن أنشده لاجواب يرده لِي ..... وللدار اردن أنثر الْمدمع هلي

ظني الْحزن عني يروح وينجلي ..... فإذا بِحُزْنٍ زادَ فِي الْتِعْدَادِ

* * * * *

أبوكرار الأحسائي
[line]
يالخذت وياك روحي وسلوتي ..... ماأرد للدار إلمــــــــــــــن رديتي
شلون عگب حسين تنشف دمعتي .... لون بيدي الكربلـــــــــه چان إعتنيت
[line]
يا گلب صـــــــــابرمثل گلبي إمتحن =إنصبت چم إصواب من غدر الزمن
.
أگضي عمري إبكدر وإبعز إحسبت =إصواب من إصواب أشد بيه إنصبت
من ونين الليل والهـــــــــــــم شيبت = ونحت وعيوني دمه النوحي جــرن
.
من كثر نوحي ومـــــصابي الونين = لينت حتى الحديد المــــــــــــــــايلين
چانوا إسمـــــــــــــــــــوني إم البنين = وأصبحت إم الحــــــــزن وإم المحن
.
حگي لو دم وجمر دمـــــعي يسيل = يا خلگ ودعت حمـــــــــاي الدخيل
شفت ضيم المـــــا أظن مثلـــه مثيل = البيت أظلم عگبــــــــه وأنوار إنطفت
.
شفت بعيوني جرح حــامي الحمــــه = شفت شيبه إتخضب إبسيل الدمـــه
والمصاب الضهد حيلي وهدمـــــــه = بالطشت حين الشفت جبد الحــــسن
.
إهنايحادي ام البنين إتسائلــــــــه =الچانك ناوي المـــــــــــــــسير الكربله
ماأظن ظعنك يعـــــــــود أتأملــــــه = الكوفه يالحادي إسمــــــــــه إم المحن
.
ريت گبل فراگهم ظمني اللحــــــــــــد =عالدرب لگعد ولا بطل نشــــــــــــــــد
ذاك شمل الچان مـــــــــــا صدگ يرد=وقلـــــــــــبي الينزف بفرگاكم وهن
.

>>