مستوصف في سنابس تعرفونه

[رماس]

بعد السلام والتحيه
لا اعرف من وين ابتدي الموضوع اللي ودي اكتبه لانه بصراحه احس انه موضوع يخص الاسرة لما فيه من اهميه في حياة فرد من افراد الاسرة
الموضوع هو
انه في دكتورة في مستوصف *******المهم هذي الحادثه صارت لي تقريبا من سنتين وحاليا صارت في فرد من افراد الاسرة وبصراحه ما ابي اللي صار لي يصير الى اي شخص عزيز عليكم او يمكن يصير لكم
على العموم من قبل سنتين تقريبا حسيت بوجع في بطني مدري احس انه متغير في شي فيني شغلت سيارتي ورحت على المستوصف *****المهم رقم التلفون ووو في الاستقبال
وووو الشغلات الروتينيه الحرارة والنبض المهم اشوي ولا اقابل الدكتورة المصريه اللي في هذا المستوصف طبعا المصريه المكياج مو ماكل وجهه بس الا المكياج ذابح ام المستشفى حتى اذا الواحد يبي يمر من يمها بدل ما يقول لها لو سمحتي اشوي يقول وخري المكياج ودي اعبر المهم قالت لي ايوة اشفيك قلت لها بطني مدري و فيه جابت سماعاتها وكشفت علي الا وهي تقول لي يبي لك اشعه تلفزيونيه المهم انا مدري شو السالفه بس اللي اعرفه انه بطني يالمني وودي ابرى من ذا الشي
المهم نزلنا تحت قبل لا ادخل علشان الاشعه قالو لي تحليل دم قلت اوكي طزوني ذيك الابرة وسحبو مني الدم
واشوي الا انا على سرير وعلشان الاشعه التلفزيونيه
مدري اشحطت علي مادة وقامت تمشي اللي مثل المنظار على بطني ولا هي تقول لي شوف هذا البنكرياس وهذي الكبد وهذي الرئتين قالت لها شو السالفه يعني فيني شي ناقص انا دون الاوادم ذي ولا شو السالفه لا يكون بعد حامل مو ناقص الا ذي
قامت تضحك مع وجهها القبيح المهم اشوي ولا هي مخلصه واللممرضه اللي يمها عطتها الريبورت مدري اش مكتوب فيه المهم طبعا ما ادري شو السالفه جى تحليل الدم مع الريبورت
ولا هي تشخص حالتي تقول لي انت فيك القولون والحصبه او الحصوة مدري حاجه جديه وربي حطت فيني خمس امراض انا خفت بقوة اشدعوه كل هذا فيني ومن متى عطتني البرشومه اللي يودونها للصيدليه ولا الادويه بالكوم هذا ثلاث مرات في اليوم هذا مرتين هذا اربع هذا مرة هذا في وقت اللزوم هذا في وقت اللي مافيه لزوم المهم الشغله كلفتني خمس ميه من المستوصف والصيدليه المهم طلعت من المستوصف ورحت البيت وشربت لي من الادويه هذي اللي لو ابلع فيها لين يوم ثاني ما خلصت المهم طلعت من البيت مر علي صاحبي تمشينا اشوي وانا بطني يعلم الله انه يقلوج ويتحرك احس بطني مو معاي المهم بغيت اتعشى خفت اكل شي يعورني بطني اتصلت بللي على احساب دكتورة هلا معاج فلان اللي تو عندج من اشوي ايوة اشفيك قلت لها لا خير بس حبيت اتعشى مدري شنهو اكل وانتي دكتورة امراض باطنيه يعني اخاف اكل شي ياثر فيني قالت لي كل شغلات مسلوقه يعني هات لك دجاجه واسلقها يعني شوربه شغلات مثل ذي طيب وقلت لها بيتزا وكذا قالت لي لا فيها خميرة وتؤثر على البطن وووو تفلسفت فيها المهم رديت البيت واتعشيت مسلوق على قولتها لين الحين وانا حاط امل انه هذي الدكتورة صادقه في كلامها وتعرف تشخص الحاله اللي عندي طبعا هي بس على طرق السماعه اللي في اذونها
في يوم ثاني تقريبا الساعه 11 الظهر انا بين الحياة والموت بطني بينفجر االام من كل جهه في بطني وربي احسه اشوي وينفجر ما قدرت اوقف حبيت فتحت باب غرفتي طلعت حاولت اوقف وقفت رحت الحمام وتقديف طلعت من الحمام طحت وربي حبي من فوق لين تحت ودخلت الصاله امي كانت توها تبي تسوي الغذا شافتني ولدي اشفيك قالت لها وين ابوي ودوني المستشفى ابوي شيبه ما يقدر يحملني امي مي عارفه شو تسوي وانا اتالم واتأوه يمها خايفه وابوي يمي اشفيك ابوي يبي يحملني ومو عارف الا اشوي وجى اخوي الكبير اشفيك اخوك بطني ودني المستشفى على طول المشتشفى اللي في المحدود عرفتوه اللي في وجه المدرسه المهم اشوي ولا انا على سرير ومافي الا دكتور عام اخصائي عام يسمونه مدري المهم انه عام الا وجت هذي الدكتورة هنديه طبعا جلسوها من النوم لين ما جت وهم شغلتهم نبض وحرارة واشعه وانا ابدا بموت الا وهي جايه وبدون سماعات****** وبدون اي شي حطت يدها على مكان الم ولا هي تقول الى اخوي ودونه الجش عنده الدودة الزايدة طبعا الجش هم حكومي وانا بموت في الاستقبال يالس ساعه لين ما يكتبون اسمي وقررو انهم يسوون لي عمليه بكرة يعني مو نفس الوقت ما ابي احكي بعد شو صار في هذا المستشفى الخرى المهم ودوني المانع في الخبر في نفس اللحظه اشعه وتحليل وسؤالين من عند الدكتور ولا انا في غرفه العمليات

المهم سبوع وطلعت واحمد ربي على الصحه والعافيه اللي فيني


هذا انا

نفس الشي صار الموضوع الى ابوي الله يعطيه الصحه والسلامه ان شاء الله
فيه كحه قويه في صدره حب يروح المستوصف*****وقابل الدكتورة اللي مالها لزمه وبكل صراحه اشعه وتحليل دم كحه يبي لها تحليل دم المهم شخصت الوالد وعطته كالعادة برشومه مليانه ادويه
الوالد رجع البيت وبدل ما حالته تتحسن كل ما ليها تسوء
على العموم الحين الوالد في العنايه المركزة في المانع بالخبر الله يقومه بالسلامه ويرجع لنا يارب سالم

الشي اللي بغيت اقوله انه الحين صارت رساله الدكتورة اللي في مستوصف***** بدل ما تعالج المريض وتقديم افضل الرعايه له صارت كسب الفلوس وباي طريقه كانت حتى لو على حياة اي شخص ما يهم مين اللي بيدري لو مات هذا الشخص قضاء وقدر
وتشخيصها للمرض انسى انها تشخص اوكي
في شغلات يعني حرارة مرتفعه عندك طز ابرة وانتهت السالفه انفلونزا نفس الشي دوا وانتهت هذا مو تشخيص يعتبر روح اقرب بقاله والهندي اللي هناك يعرف يشخص حالتك

على العموم اخواني اخواتي الله لا يبلاكم ان شاء الله بمرض وتروحون لعند هذي الدكتورة المصريه اخسر لي ميتين ثلاث ميه زيادة في مستشفى خاص ولا اخسر عمري قبل لا اخسر افلوسي عند هذي المصريه

انتبهو اخواني اخواتي

تحياتي لكم
اخوكم
رماس

[رماس]

نسيت اقول شي لكم

انه بعد ما خلصت انا العمليه باسبوعين جوني البيت يعتذرون على اللي صار
طبعا هذا اللي بيسونوه الى اي شخص مجرد الاعتذار

[فارس حزن]

اخوي رماس عورت قلبي الله يعور قلب ابليس

الله يساعدك عموما الحمد لله على السلامة

بس نبي حلاوة السلامة اعرف انها من زمان بس انت كريم واحنا نستاهل

[رماس]

الله يسلمك فارس حزن

واذا على حلاوة السلامه يالغالي تستاهل الغالي بس الوالد يقوم بالسلامه واللي تامر فيه يتم الغالي

تحياتي لك
رماس

[المنار]

والله مشكلة يعني اطباء البلد مو اكفاء حتى يجو محل هالمصريين و ....

الله المعين :كشافات:

[الأيــــام]

نتمنى له التوفيق

رغم ما قيل عنه

لأنه محسوب علينا

[وعــد]

هااي
حمد الله على السلامه انه شافاك والله حاله:حيو:
الله اساعدكم

[ملكة الزهور]

قصه بالفعل مؤثره ..أهم شي إنت ألحين بصحه وعافيه والله قومك بالسلامه ..

وإنشــــاء الله الوالد مـــاعليه شر ويقوم لكم بالسلامه يا رب


تحيــــــاتي لك : ملكة الزهور

[رماس]

تسلمون يالغاليين على مشاعركم

بس ياليت يكون عندكم حل لذي الشغلات او الاغلاط اللي يمكن انها تكون من دون وعي من الاطباء وعدم التشحيص للحاله
من هذا المستوصف
بالنسبه لي انه الوالد اذا قام بالسلامه ان شاء الله بيعرف كيف يرد على هذا المستوصف
اكرر تحياتي لكم
رماس

[عاشق الحسين]

بسمه تعالى

الاخ الكريم رماس

الرجاء عدم ذكر اسماء معروفة, المهم في الموضوع القضية وليس الاسماء...

سلام

[رماس]

الاخ عاشق الحسين


الموضوع للاهميه لافراد الاسرة ولا هو مجرد معاناة شخصيه بالنسبه لي على السالفه هذي كان من المفترض اني ما اكتب اللي صار لي ابدا لانه عن جد الموضوع له اهميه

هذا رايي
فمدي عن رايك انت يمكن الموضوع بالنسبه لك عادي
على العموم تقبل تحياتي
اخوك
رماس

[حسين]

الاخ مشرف المنتدى الكريم
عجباً من تنبيهك لعدم ذكر أسماء والواقع عدم ذكر أسماء هذه لاتفيد بعد ذكر مكان المستوصف*******

كان على الاخ رماس أن يكتب للمستوصف هذا الامر وعليه أن يثبت لنا ماقاله بالادلة وإسم الدكتورة وكذلك الاخ الايام عليه أن يثبت صحة ماقاله

والا يجب على الاخ المشرف حدف الموضوع

أنا لست مع المستوصف ولا ضد الاخ رماس الله يعافيه هو ووالده الكريم البسه الله ثوب العافية بحق هذا الشهر وبحق هذا اليوم الشريف
ولكن من الخطأ أن نرمي الكلام على عواهنه ولذلك نطلب الدليل حتى نحدر الاخوان والمؤمنين من ذلك المستوصف وإذا ما جاء المدعي بالاوراق فحينئذ لامانع من ذكر أسماء حتى لايقع المؤمنون في محاذير
وأرجو أن يفهمني الجميع
ومع السلامة

[روان]

الحمدالله عالسلامه وإنشاء الله يقوم الوالد بالسلامه

وسلامات ماتشوف شر

تقبل تحياتي

روان

[عاشق الحسين]

بسمه تعالى

الأخ الكريم حسين

أقدر وأحترم وجهة نظرك ولكن وحتى مع وجود أثبات من قبل كاتب الموضوع لا ينبغي أن نجعل من المنتدى مسرحا لمحاربة هذه المؤسسة أو تلك, تصور أن كان من بين الاعضاء احد القائمين على ذلك المستوصف او احد ابناء صاحب المستوصف ترى ما سيكون موقف القائمين على المنتدى مع مثل هؤلاء الناس؟؟

أن القضية أكبر من أن تكون خاصة لهذا المستوصف وأنما هي ظاهرة منتشرة في أغلب المستشفيات الخاصة وهذه القضية هي التي تستحق النقاش...

فأذا كانت القضية ستناقش من هذا المنطلق كان بها والا سنقوم بغلق الموضوع...

ولكم جزيل المودة والأحترام

[رماس]

الى الاخوة الكرام
اشكركم على تواصلكم ودعائكم للوالد
الى الاخ حسين وعاشق الحسين
قد اكون غلطت في طرح الموضوع او يمكن ما كنت محضر له

على العموم ذكر اسم المستشفى لم يكن مقصود مني ولكن الشي اللي بغيته هو توصيل رساله الى جميع الاسر

اما بالنسبه الى ما ذكره الاخ حسين على اني اجيب الادله

مدري شتبيني اجيب البرشومه اللي عطتني اياها الدكتورة ولا ملفي اللي في المستشفى ولا تبيني اجيب لك الادويه هذا بالنسبه لي

اما اذا بغيت دليل قاطع يالغالي
الحمد لله الوالد الحين خرج من العنايه المركزة بس للحين منوم
واذا بغيت تتفضل معي لزيارة الوالد وانت تسمع القصه منه

الاخ عاشق الحسين
انا لم احارب المستشفى بس كذا وانت خايف على مشاعر اصحاب المستشفى من انهم ينجرحون لما يشوفون هذا الموضوع الاولى عليك انك تخاف على جميع اعضاء المنتدى لما لا سمح الله يصيب احد اي مكروه ويتعالج عند هذي الدكتورة واذا على قولتك عرفوا بالموضوع على الاقل انه يقدرون كيف يوقفون هذي الدكتورة عند حدها ويالغالي انت ما تحس باللي احسه حاليا هذي المرة الثانيه اللي يصير لنا هذا الشي من عدم التشخيص الجيد لذي الدكتورة وانا ما حاربت المستشفى يالغالي بس اللي بغيت اوصله الى الكل من كتابه قصتي هذي هو انه الكل يتجنب هذي الدكتورة لو لا سمح الله صاده هو او اي شخص في افراد عائلته مكروه لا سمح الله

وما اظن انه له داعي لغلق الموضوع
ولا تاخذ الامر من وجهه نظر متحيز لشخص دون الاخر

انت مشرف فياليت تكون محايد

تقبل تحياتي

اذكرك بمثل عاشق الحسين

الاختلاف في الاراء لا يفسد للود قضيه

تحياتي لك
اخوك
رماس