ملف هام جدا لكل البنات لمستخداماتهن اليوميه ..

[special]

بسم الله الرحمن الرحيم ..

جدول فيه معلومات عن تاريخ صلاحية كل أداة من أدوات التجميل
وكيفية استخدامها؟!

---------

الكريم المرطب

يتم الاحتفاظ به لمدة سنة كاملة من بداية فتحه، وياريت تستخدميه يوميا لترطيب بشرتك...
وأفضل طريقة لاستخدام الكريم المرطب:
هو إنك تستخدميه عن طريق قطنة، واوعي تدخلي أصابعك داخل علبة الكريم، علشان الميكروبات الموجودة في إيدك ممكن تتسبب في فساد الكريم قبل مرور العام.

المنظف السائل

البعض بيطلق عليه اسم الحليب المنظف أو مزيل الماكياج...
أيضاً يستخدم لمدة عام، ولكن بشرط إنه يكون بعيد نهائي عن درجات الحرارة العالية، لذلك يفضل وضعه أثناء الصيف في الثلاجة.

التونيك

صالح لمدة عام من بداية استخدامه، ويفضل الاحتفاظ به في الثلاجة، أو أي مكان لا يكون به درجة حرارة عالية.

كريم العين

يستخدم حوالين العين، لمكافحة ظهور التجاعيد مبكرا حول منطقة العين...
ويوضع في الثلاجة لمدة سنة واحدة من بداية استخدامه، وعلى فكرة الثلاجة مش مهمة فقط للحفاظ على كريم العين، ولكنها مفيدة لزيادة فاعليته.

الماسكات

أيا كان نوع الماسكات اللي عندك، فياريت ماتستخدميها بعد مرور عام من فتحها...
وياريت تبعديها عن الشمس والحرارة، وتحتفظي بها في الثلاجة..
كمان كريمات الحماية من أشعة الشمس ما تستخدميها غير لمدة صيف واحد لأن أشعة الشمس والضوء والحرارة بتفسدها بسرعة.

كريم الأساس

بيتم الاحتفاظ به لمدة عام واحد من تاريخ الاستخدام، لأن الميكروبات بتنمو فيه بسرعة خاصة لو كنت بتستخدميه بأصابعك...
وياريت تتجنبي استخدام الأصابع في وضع كريم الأساس، وتستبدليها بإسفنجة صغيرة مخصوصة لكريم الأساس، والإسفنجة دي بتقعد معاكي لمدة عام، وطبعاً بتغسليها وتنشفيها كل ثلاث مرات من استخدمها، وبصفة عامة لازم قبل ما تحطي أي كريم أساس تغسلي إيدك كويس.

البودرة

ممكن تستخدميها لمدة سنتين، بشرط إنك تحرصي على نظافة بدارة البودرة باستمرار.

البلاشر أو أحمر الخدود

ممكن تستعمليه لمدة ثلاث سنوات، بس خدي بالك إنك تغسلي الفرشاة من فترة للثانية للقضاء على أي ميكروبات ممكن تتواجد داخل الفرشاة، وتنشفيها في الشمس أو بالسشوار.

المانيكير

لازم تحتفطي به في مكان بارد لمدة عام، ويكون مغلق جيداً، وياريت تنظفي حوالين زجاجة المانيكير باستمرار باستخدام الأسيتون.

الروج أو أحمر الشفايف

ماله مدة صلاحية محددة وممكن يفضل معاك لغاية ما ينتهي، بس لازم تمسحي حواليه بمنديل بعد كل مرة بتستخدميه فيها.

أقلام الحواجب والروج

ممكن تحتفظي بيها من سنة لسنتين، وده لأنك بتبريها وبتنظفيها على طول.

البارفان

ممكن تحتفظي به لمدة سنة، شرط إنه يكون بعيدا عن الحرارة والشمس علشان ما يتأثر بهم.</B>

يـتـبـع ..

[special]

ادوات المكياج و طرق استخدامها..

أول أداة من أدوات الماكياج اللي ممكن تساعدك في معرفة أسرار التجميل الناجح هي الكونسيلر...

1- الكونسيلر

إخفاء الحبوب الحمراء

لو كنت تعاني من مشكلة ظهور الحبوب الحمراء في الوجه، و تريدينها ان تختفي الحبوب .... استخدمي كونسيلر لونه أخضر، عن طريق وضع نقاط خضراء من هذا المستحضر على الوجه أو فوق منطقة الحبوب، وبعدها تمسحيها جيدا باستخدام الأصابع، وبعدها تستخدمي كريم الأساس لإخفاء اللون الأخضر للكونسيلر، و هكذا تكونين أخفيتي تماما هذه الحبوب .

إخفاء البقع الغامقة

ظهور البقع الغامقة في الوجه مشكلة تعاني منها بنات كتير، ويمكن التخلص منها باستخدام كونسيلر أفتح درجة من كريم الأساس، تضعيه اولا على البقع، وبعدها تضعي كريم الأساس بنفس لون بشرتك بالضبط، وهكذا تختفي أي بقع موجودة في البشرة.

إخفاء الوحمات

أما إذا كان عندك وحمة لونها بني أو أسود أو أحمر... فبيكون تصحيحها بالكونسيلر الأخضر، وبعدها تضعي كريم أساس أفتح من لون بشرتك، وبعدين كريم أساس لونه أغمق من لون البشرة، أو ممكن تستخدمي كونسيلر على أورنج أو أصفر قبل كريم الأساس؛ بحيث إن الوحمة تختفي نهائي.

إخفاء الهالات السوداء

لو عندك هالات سوداء ممكن تخفيها بوضع كونسيلر أبيض أسفل العين، وعلى فكرة الكونسيلر الأبيض بيعطي إشراقة للبشرة الباهتة.

إخفاء احمرار البشرة

مشكلة احمرار البشرة بصفة مستمرة من المشاكل اللي بتعاني منها بنات كتير وخاصة أصحاب البشرة الحساسة، ويمكن التغلب عليها باستخدام الكونسيلر الأزرق، وبعدها تحطي كريم الأساس عليها، كمان ممكن تستخدمي كونسيلر لونه أخضر للتخفيف من احمرار البشرة والحصول على اللون الوردي.

إخفاء شحوب البشرة

يمكنك التغلب على مشكلة شحوب البشرة، باستخدام الكونسيلر الموف ومن بعده كريم الأساس لإعطاء البشرة الإشراق، كمان فيه كونسيلر لونه أورنج شويه ممكن تستخدميه لإعطاء الحيوية للبشرة الباهتة، أو التي تفتقد اللمعان والبريق، وعلى فكرة مفيد ايضا للبشرة السودانية.

وفي النهاية نصيحة باستخدام الكونسيلر السائل، لأنه مناسب لكل أنواع البشرة بس بشرط إنه
مايكون خفيف..

2- كريم الاساس

• كريم الأساس السائل"ليكود فونديشن".

• كريم الأساس الجامد "ستيك فونديشن".

• كريم الأساس الدهني اللين قليلاً عن الجامد.

• كريم الأساس المكثف جداً "كومباكت باودر فونديشن" الذي يمكن استخدامه كبديل عن البودرة لأنه بيكون كريم أساس وبودرة مع بعض.

كيف تختاري كريم الأساس؟!
لازم تختاري نوع كريم أساس جيد ومضمون ومعروف، لأن الأنواع غير المعروفة لها تأثير سلبي جدا على البشرة، خاصة لو كانت بشرتك حساسة....وفيه ماركات كثيرة ممكن تجيبي منها كريم الأساس الخاص بك مثل ماركة "فلوريل"، "برجوا"، "ريمال"، " كريستيان ديور "، " كريولان " وعلى فكرة الماركات دي غالية ، علشان كده يفضل إنك ما تشتري أكتر من درجتين من كريم الأساس في السنة الواحدة.

كيف تشتري كريم الأساس؟!
لازم تحطي في اعتبارك وأنت بتشتري كريم الأساس النقطتين دول...
أولا:
نوع بشرتك
كل بشرة ولها نوع كريم أساس معين مناسب لها، علشان كده لازم تحددي نوع بشرتك أولاً، وبعدين تختاري كريم الأساس المناسب فمثلا...

البشرة الدهنية
أنسب نوع كريم أساس مناسب لها هو كريم الأساس السائل أو المائي، الخالي من الزيوت وبيكون مكتوب عليه "Oil free"، وذلك لكي لا يثبت على الوجه...
ويفضل دائما قبل استخدام كريم الأساس وضع أي شيء يقلل من الدهون، أو غسل الوجه بماء ساخن لإخراج الدهون من البشرة، ثم غسله بماء بارد جداً لكي تزيلي تلك الدهون تماماً، وتجفيف الوجه بفوطة خاصة، وبهذه الطريقة تخففي الدهون من على البشرة الدهنية.
كمان ممكن تستخدمي كريم الأساس المط غير اللامع المركب ويكون سائل شوية، ومجفف في نفس الوقت، لأنه مناسب للبشرة الدهنية، وممكن تختاري كريم أساس على شكل بودرة مضغوطة.
البشرة الجافة
أنسب نوع كريم أساس مناسب للبشرة الجافة هو كريم الأساس الجامد، أو الذي يحتوي على نسبة عالية من الدهون بس ياريت قبل ما تستخدميه تضعي كريم مرطب.
البشرة العادية
أما البشرة العادية فيناسبها جميع أنواع كريمات الأساس.
يـتـبع ..

[special]

ثانيا:
لون بشرتك

و لتستطيعي اختيار لون كريم مناسب للون بشرتك لازم تقفي في إضاءة واضحة وقوية مثل ضوء الشمس، فأنا لا أفضل الإضاءة الضعيفة عند اختيار كريم الأساس، وذلك لكي لا تختاري كريم أساس مختلف عن لون رقبتك ويديك...
ويفضل دائما أن يكون لديك درجتان من الكريم فمثلاً لون فاتح قليلاً عن لون بشرتك، ولون غامق قليلاً، تمزجيهم مع بعض وقتما تشاءين لكي تحصلي على اللون المناسب، سواء كان تفتيح درجة أو تغميق درجة في مناطق من الوجه، فيمكنك زيادة اللون الفاتح لو أحسستي إن بشرتك غامقة، ويمكنك أيضاً زيادة الغامق لو وجدتيها فاتحة أوي ومجيرة.
وعلى فكرة البنات أصحاب البشرة الفاتحة محظوظات، وذلك لأن بإمكانهم اختيار اللون المناسب بسهولة، ومن أكتر الألوان المناسبة للبشرة الفاتحة البيج الفاتح جدا، وأيضاً يوجد كريم الأساس السائل شويه وهذا يناسب البشرة الفاتحة أو التي تميل للون البيج، ولا يكون فيها احمرار .
أما إذا كان لون بشرتك برونزي شويه أو خمري أو ذهبي فلابد من استخدام كريم أساس أفتح درجة من لون بشرتك، والبودرة تكون لونها برتقالي أو خوخي شويه، لكي تحصلي على بشرة متألقة ومشرقة.
أما أذا كانت بشرتك لونها وردي أو فاتحة ومائلة للون الروز، بيكون كريم الأساس من نفس اللون الوردي الفاتح، علشان ما يسمر البشرة، وتستخدمي معه درجة البيج الفاتح جدا، علشان ما تغمق لون بشرتك وتحسي إن شكلك متغير.
ايضا ممكن تستخدمي كريم الأساس في علاج مشكلة شحوب البشرة، بإنك تضعي طبقة فاتحة من كريم الأساس على الوجه، لتعطي لمحة طبيعية ولمعة، وبعدها تغطيها باللون الخوخي، وبكده الوجه بيظهر بشكل طبيعي وبيعطينا اللون البيج الفاتح وهو لون البشرة الطبيعية.
كيف توزعي كريم الأساس؟!
مثل ما أنت عارفة إن فيه أنواع كثيرة من كريم الأساس وكل نوع وليه طريقة معينة في التوزيع فمثلا...

كريم الأساس السائل

لو كنت تستخدمي كريم الأساس، لابد من إنك تضعي الإسفنجة في كريم الأساس، أو تأخذي القليل منه على إيدك، ثم تضعيه على نصف الوجه من فوق، وتنزلي به إلى الأسفل إلى أن تصلي للعينين، والخد ثم الشفايف والرقبة، وإلى أي مكان يظهر سواء في الرقبة أو الكتف، وإلى منابت الشعر من فوق لكي تعطي نتيجة طبيعية...
وياريت تمزجي نقطة كريم أساس مع المرطب خاصة لو حسيتي إن كريم الأساس تقيل شويه أو مش عارفة توزعيه .

كريم الأساس المضغوط

أحسن طريقة لوضع كريم الأساس المضغوط، هي إنك تجيبي إسفنجة مبللة بشوية ميه، وبعد كده تضعي الإسفنجة في الفونديشن، ثم تضعيها على بشرتك مباشرة، وعلى فكرة كريم الأساس المضغوط لا يوجد به أي لمعة ومناسب لجميع أنواع البشرة.

كريم الأساس الجامد

توجد أنواع من كريمات الأساس تكون على شكل أصابع وتسمى "ستيك"، وهي تناسب البشرة العادية، يعني لا هي دهنية ولا جافة، وعلى فكرة النوع هذا مناسب لماكياج السهرات، لأنه بيدي شكل حلو أ للبشرة، وبيداري أي عيوب ممكن تكون موجودة مثلا البقع أو التجاعيد أو اسمرار أسفل العينين، أو أي شيء في البشرة، فهو يعطي تجانس للون البشرة ولمعان ونعومة للبشرة كلها.
وطريقة استعماله بتكون بإنك بتضعي طبقة بسيطة على الوجه كله بإسفنجة وبتنزلي للأسفل علشان ما يبقى فيه فرق بين وجهك ورقبتك، لأنه بيكون تقيل شويه، وياريت ما تحطي كمية كبيرة لأنه ممكن يعطي شكل مش حلو على العينين والجفن إذا وضع بكمية كبيرة.

وفي النهاية
لأي بنت بتشتكي من إن كريم الأساس مش بيظهر في وجهها وبيضيع بسرعة إنها تستخدم كريم أساس تقيل شويه، وده هتلاقيه في ماركات زي "برجوا"،"كريولان"، "مادينا"...

وبنصح البنت صاحبة البشرة الدهنية باستخدام كريم أساس سائل، علشان ما يبقى ثقيل عليها

لكن لو عندها أي بقع وحبوب تضع كريم دهني على منطقة الحبوب فقط، وعليه البودر علشان يكتم كريم الأساس ويقضي على اللمعة اللي ممكن تظهر في الوجه بعد وضع كريم الأساس.

ولا تنسي إنك في الصيف لازم يكون معاك في الشنطة علبة كريم أساس صغيرة بالبدارة بتاعتها ماركة "مادينا" أو" كريولان"، علشان تستخدميها في أي وقت تكوني

يـتـبع ..

[special]

ثالثا:
البودره

وعلشان فعلا ماكياجك ينور، وتضيفي عليه لمسة من الجمال لازم تستخدمي البودرة، لأنها مهمة جدا ومكملة لماكياجك، لأنها بتخفي أي لمعة ممكن تكون موجودة في الماكياج وكمان بتثبته وبتساعد على إخفاء أي عيوب موجودة في الوجه...
وللبودرة أنواع كثيرة مثلا البودرة المضغوطة والشفافة والسائلة.... كمان فيه ألوان مختلفة للبودرة، زي مثلا الألوان الفاتحة المناسبة للبشرة الفاتحة، وأيضاً الروز المناسبة للبشرة الفاتحة على مصفر شوية، وأيضاً البودرة الأورانج أو المصفرة المناسبة للبشرة الفاتحة أيضا.
ومن الصعب جدا إنك تستخدمي البودرة من غير ما تحطي كريم أساس، أو إنك تحطي كريم أساس من غير ما تحطي بودرة، إلا إذا كنت تستخدمي شيء مضغوط مثل كريم الأساس المضغوط أو البودرة المضغوطة التي تستخدم بالماء، وأنا لا أنصح باستخدام هذا النوع بصفة يومية، لأن استخدامه بصفة دائمة بيجير الوجه، بالإضافة إلى أنه بيعطي طبقة جامدة على الوجه علشان هيك مناسب أكتر لماكياج السهرات.
وعلى فكرة فيه ماركات كثيرة للبودرة، .... ومن الماركات "فلوريل"، "ريمال"، "برجوا"، "مادينا" و"نيفيا" اللي عندها فونديشن وبودر كويسين جدا، وعلى فكرة الماركةهذه تحديدا متوفرة بجميع محلات الميك أب والصيدليات الكبرى، كمان خدي بالك إن ماركة "كريستان ديور" و"لوريال" كويسين جدا بس ثمنهم غالي شوية.



كيف توزعين البودرة؟!

أفضل طريقة لتوزيع البودرة بتكون من خلال الفرشاة الكبيرة أو بالبدارة.... وياريت تستخدمي الفرشاة الكبيرة للتخفيف من البودرة وكريم الأساس، خصوصا لو كنت نازلة الصبح، لكن لو كنت نازلة بالليل ممكن تزودي من كريم الأساس والبودرة شوية، أو تستخدمي البودرة المضغوطة...
وخدي بالك إن
• لو كانت بشرتك دهنية:
هتلاقي إن أنسب حاجة لك هي البودرة المضغوطة، خصوصا في الصيف لأنها بتخفي أي لمعة أو دهون موجودة في البشرة.
• لو كانت بشرتك جافة:
هتلاقي إن أنسب حاجة هي إنك تستخدمي كريم مرطب، ثم كريم أساس ثم القليل جداً من البودرة... لأنك لو حطيتي بودرة كتير بشرتك هتقشر وتجير.
• لو كانت بشرتك عادية:
لو كانت بشرتك خالية من أي مشاكل ممكن تستخدمي بودرة وكريم أساس على خفيف، لأن كل ما كان الماكياج خفيف كل ما كان طبيعي وبسيط، لكن لو عندك حبوب أو أي مشاكل تانية في البشرة خدي بالك إنك تزودي كريم الأساس والبودرة شوية.


مع البودرة كل مشكلة ولها حل!!!
-1-
مشكلة عدم ثبات الماكياج من المشاكل اللي بتعاني منها بنات كتير.... وحلها هو إنك تضعي البودرة السائلة الشفافة، بعد كريم الأساس الإستيك أو الدهني، لأن البودرة السائلة الشفافة بتساعد على ثبات الماكياج وإخفاء أي مشاكل ممكن تكون موجودة في البشرة مثل مشكلة الهالات السوداء....
وطريقة استخدامها سهلة جداً؛ كل الحكاية إنك بتحطي الفونديشن بالإسفنجة ثم البودرة بالبدارة بأسلوب الضغط ومش المسح.
-2-
مشكلة تكبير أو تصغير الأنف من المشاكل اللي ممكن تحليها باستخدام البودرة وكريم الأساس، عن طريق إنك تحطي بودرة فاتحة على الطرف اللي فوق، بمعنى من أول الجبهة إلى أعلى الأنف، لكن الجانبين تحطي كريم أساس أغمق درجتين عن درجة البودرة، وهكذا أنفك يظهر بشكل أصغر من حجمه الطبيعي...و تعمليالعكس لو انفك صغير ليكبر.
-3-
الجبهة العريضة من المشاكل اللي بتعاني منها بنات كتير، و ممكن تتغلبي عليها باستخدام البودرة وكريم الأساس، عن طريق إنك تغمقي جذور الشعر، بمعنى عدم تفتيح الجبهة بكريم الأساس بالإسفنجة، ووضع كريم أساس غامق من الحاجب الأول للحاجب الثاني، لكي لا تكبر الجبهة ثم بودر مضغوط غامق...
والعكس لو أنت جبهتك قصيرة يبقى كبريها بوضع فونديشن وبودر فاتحين، بس حاولي إنك ما تطلعي لمنابت الشعر، ولو حصل إنك وصلتِ لمنابت الشعر ممكن تمسكي قطنة صغيرة بنقطة ماء وتضعيها على شعرك لإزالة البودرة أو الأساس.

و خلصنا يا حلوين

ملاحظة: للأمانةالموضوع منقول لكن فيه بعض التغييرات..

تقبلوا تحياتي
أختكم special

[المحتاره]

تسلمي على الملف الروووعه
ويعطيك الصحه والعافيه
لاحرمنا منك ومن جديدك
المنوع
لا خلا ولا عدم
تحياتي

[special]

الله يسلمك يا الغلا
مرورك الأروع
و لا حرمنا من طلتك الحلوة
دمت بخير ..

[غروك وغيروك]

مشكووررة على هالنصايح الجميلة
يعطيش آآلف آآلف عافية

[special]

الله يسلمك خيتو و يعطيك الصحة و العافية
شاكرة مرورك العطر ..

[أم فيصل]

تسلمي خيتوووووووو

[special]

الله يسلمك أم فيصل ..
شاكرة مرورك العطر..